കൊച്ചി: നടിയെ ആക്രമിച്ച കേസില് അറസ്റ്റിലായ മുഖ്യപ്രതി പള്സര് സുനി ജയിലില് വെച്ച് നടന് ദിലീപിന് അയച്ച കത്ത് പുറത്ത്.വളരെ ബുദ്ധിമുട്ടിയാണ് ഈ കത്ത് കൊടുത്തുവിടുന്നതെന്നും കത്ത് കൊണ്ടുവരുന്ന വ്യക്തിക്ക് കേസിനെപ്പറ്റി യാതൊരു വിവരവുമില്ലെന്നും കത്തില് പറയുന്നു.
എന്റെ ജീവിതം നശിച്ചു, പക്ഷെ ഞാന് ഇതുവരെ ചേട്ടനെ കൈവിട്ടിട്ടില്ല. ചേട്ടന് എല്ലാം ആലോചിച്ച് ചെയ്യണം – കത്തില് എഴുതിയിരിക്കുന്നു. കാക്കനാട് ജയിലില് കഴിയുന്ന സുനി സുഹൃത്ത് വിഷ്ണു വഴിയാണ് ദിലീപിന് കത്ത് എത്തിച്ചു നല്കിയത്. കത്ത് കഴിഞ്ഞ ഏപ്രില് 20ന് ദിലീപ് പോലീസിന് കൈമാറിയിട്ടുണ്ട്.
നടിയെ ആക്രമിച്ച സംഭവത്തിന് പിന്നില് പ്രവര്ത്തിച്ചത് ദിലീപിന്റെ നിര്ദ്ദേശപ്രകാരമായിരുന്നു എന്ന സൂചന നല്കുന്നതാണ് പള്സര് സുനിയുടെ കത്തിലെ വാക്കുകള്. സംഭവത്തിന് ശേഷം ദിലീപ് തിരിഞ്ഞുനോക്കിയില്ലെന്ന പരിഭവമാണ് സുനില്കുമാര് കത്തില് പങ്കുവയ്ക്കുന്നത്.
അതേസമയം തന്റെ ഒരു സുഹൃത്തു വഴി കത്തിന്റെ കോപ്പി ലഭിച്ചതായി ദിലീപ് വ്യക്തമാക്കി. ഫോണ് റെക്കോഡുകള്ക്കൊപ്പം കത്തും ദിലീപ് പോലീസില് ഏല്പ്പിച്ചിട്ടുണ്ട്. ഇതു സംബന്ധിച്ച അന്വേഷണം സ്വാഗതം ചെയ്യുന്നുവെന്ന് ദിലീപ് മാധ്യമങ്ങളോട് പ്രതികരിച്ചു.
പ്രതികരിക്കാൻ ഇവിടെ എഴുതുക: