ചെങ്ങന്നൂര്: ചെങ്ങന്നൂര് നഗരത്തില് നിര്ത്തിയിട്ട കെഎസ്ആര്ടിസി ബസില് കാറിടിച്ച് അഞ്ച് പേര്ക്ക് പരിക്കേറ്റു. തിരുവല്ല കുറ്റപ്പുഴ കിഴക്കന്മുത്തൂര് കൊച്ചുമല, രാജേഷ് ഭവനില് വസുകുമാര് (62), ഭാര്യ ജയ (50), മകന് രാജേഷ് (32), രാജി (32), ചെറുമകള് അക്ഷിത (10) എന്നിവര്ക്കാണ് പരിക്കേറ്റത്. ഇന്നലെ രാവിലെ 7.45ന് ചെങ്ങന്നൂര് നഗരത്തില് എസ്ബിഐയ്ക്ക് മുന്പിലായിരുന്നു അപകടം. കോട്ട-കാരിത്തോട്ട, ഇലവുംതിട്ടവഴി പത്തനംതിട്ടയ്ക്കു പോകുന്ന കെഎസ്ആര്ടിസി ബസ് സ്റ്റോപ്പില് നിര്ത്തി യാത്രക്കാരെ കയറ്റുന്നതിനിടയില് എതിരെവന്ന കാര് ബസിന്റെ മുന് ഭാഗത്തേക്ക് ഇടിച്ചുകയറുകയായിരുന്നു.
പ്രതികരിക്കാൻ ഇവിടെ എഴുതുക: