തിരുവനന്തപുരം: തപസ്യ കലാ സാഹിത്യ വേദിയുടെ ജില്ല സമ്മേളനം ഭാരതീയ വിചാര കേന്ദ്രത്തില് നടന്നു. സംസ്ഥാന വര്ക്കിംഗ് പ്രസിഡന്റ് പ്രൊഫ. ഹരിദാസ് ചടങ്ങ് ഉദ്ഘാടനം ചെയ്തു. തപസ്യ ജില്ല അധ്യക്ഷന് ഡോ. അനില് വൈദ്യമംഗലം അധ്യക്ഷത വഹിച്ച സമ്മേളനത്തില് കഴിഞ്ഞ ഒരു വര്ഷത്തെ പ്രവര്ത്തന റിപ്പോര്ട്ട് ഉപ ജില്ല അടിസ്ഥാനത്തില് അവതരിപ്പിച്ചു. നെയ്യാറ്റിന്കര ഉപ ജില്ല റിപ്പോര്ട്ട് നെയ്യാറ്റിന്കര ഉപ ജില്ല അധ്യക്ഷന് ഒറ്റശേഖരമംഗലം വിജയകുമാറും ആറ്റിങ്ങല് ഉപ ജില്ല റിപ്പോര്ട്ട് ആറ്റിങ്ങല് ഉപ ജില്ല സെക്രട്ടറി സുജിത് ചിറയിന്കീഴ് നെടുമങ്ങാട് ഉപ ജില്ല റിപ്പോര്ട്ട് നെടുമങ്ങാട് ഉപ ജില്ല സെക്രട്ടറി സുജന് എന്നിവര് അവതരിപ്പിച്ചു. അടുത്ത ഒരു വര്ഷത്തെ പ്രവര്ത്തന പദ്ധതിയുടെ രൂപ രേഖയും സമ്മേളനം ചര്ച്ച ചെയ്തു. തപസ്യ കലാ സാഹിത്യ വേദിയുടെ 41 മത് സംസ്ഥാന സമ്മേളനം ജൂലൈ 7, 8, 9 തീയതികളില് തൃശ്ശൂരില് നടക്കുന്നതിനെ കുറിച്ചു ചര്ച്ച നടന്നു.
സംസ്ഥാനതല ഗുസ്തി മത്സരത്തില് ഒന്നാം സ്ഥാനം കരസ്ത മാക്കിയ വരുണ് ഷാജിയെയും പിയു സെന്ട്രല് യൂണിവേഴ്സിറ്റിയുടെ എന്ട്രന്സ് പരീക്ഷയില് മൂന്നാം റാങ്ക് കരസ്ഥമാക്കിയ ലാല് കൃഷ്ണയെയും അനുമോദിച്ചു. തപസ്യ സംസ്ഥാന ഉപാധ്യക്ഷന്മാരായ ഡോ. പൂജപ്പുര കൃഷ്ണന് നായര് പദ്മനാഭന് നായര് സംസ്ഥന സമിതി അംഗം കല്ലറ അജയന് മേഖല പ്രസിഡന്റ് രാജപ്പന് നായര് ജില്ല അധ്യക്ഷന് ഡോ. അനില് വൈദ്യമംഗലം ജില്ല ജനറല് സെക്രട്ടറി ജി.എം. മഹേഷ് എന്നിവര് സസംസാരിച്ചു.
തപസ്യ കലാ സാഹിത്യ വേദി തിരുവനന്തപുരം ബാലശങ്കര് മന്നത്ത്, ഡോ. രാധാകൃഷ്ണന് നമ്പൂതിരി, പി. രാജശേഖരന് എന്നിവരെ രക്ഷാധികാരിമാരായും ജില്ല അദ്ധ്യക്ഷന് ഡോ. അനില് വൈദ്യമംഗലം, വര്ക്കിംഗ് പ്രസിഡന്റ് ബിപിന് ചന്ദ്രന്, ജനറല് സെക്രട്ടറി ജി.എം. മഹേഷ്, ട്രഷറര് ശ്രീജിത്ത് എന്നിവരെ സമ്മേളനത്തില് പുതിയ ഭാരവാഹികളായി തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: