ഇന്ത്യന്‍ വംശജന്‍ അമേരിക്കയില്‍ കുത്തേറ്റു മരിച്ചു

Thursday 29 June 2017 5:29 pm IST

ന്യൂയോര്‍ക്ക്: അമേരിക്കയില്‍ ഇന്ത്യന്‍ വംശജന്‍ ബന്ധുവിന്റെ കുത്തേറ്റു മരിച്ചു. ശരണ്‍ജിത് സിംഗിനെയാണ് ബന്ധുവായ ലൗദീപ് സിംഗ് കൊലപ്പെടുത്തിയത്. ഇരുവരും തമ്മിലുള്ള തര്‍ക്കത്തിനിടെ ശരണ്‍ജിതിന്റെ കഴുത്തിനു കുത്തേല്‍ക്കുകയായിരുന്നു. തിങ്കളാഴ്ച ശരണ്‍ജിത് സിംഗിന്റെ വസതിയിലായിരുന്നു സംഭവം. കൊലപാതകത്തിന്റെ കാരണം വ്യക്തമല്ലെന്നും ലൗദീപ് സിംഗിനെ അറസ്റ്റു ചെയ്തതായും പോലീസ് വ്യക്തമാക്കി. ചൊവ്വാഴ്ച ലൗദീപിനെ കോടതിയില്‍ ഹാജരാക്കി. 2013ല്‍ ഇന്ത്യയില്‍ നിന്നു അമേരിക്കയിലേക്കു കുടിയേറിയ ശരണ്‍ജിത് ന്യൂയോര്‍ക്കില്‍ ഡ്രൈവറായി ജോലി ചെയ്യുകയായിരന്നു.  

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.