കണ്ണൂര്: നടിയെ ആക്രമിച്ച സംഭവത്തില് താരസംഘടനയായ അമ്മ സ്വീകരിച്ചിരിക്കുന്നത് സ്ത്രീ വിരുദ്ധ നിലപാടാണെന്ന് പി.കെ ശ്രീമതി എംപി. വനിതാ പ്രവര്ത്തകരുടെ കൂട്ടായ്മയ്ക്കു പിന്നില് ഈ സ്ത്രീ വിരുദ്ധതയാണെന്നും ശ്രീമതി ഫേസ് ബുക്കില് കുറിച്ചു. അമ്മയ്ക്ക് അമ്മ മനസ് അറിയുമോ എന്ന കാര്യത്തില് സംശയമുണ്ടെന്നും ഇക്കാര്യത്തില് സിപിഎം നേതാവ് എം.എ.ബേബി സ്വീകരിച്ച നിലപാട് സ്വാഗതാര്ഹമാണെന്നും അവര് വ്യക്തമാക്കി.
അമ്മ ഒരു നല്ല സംഘടനയാണ്. എന്നാല് അമ്മയ്ക്ക് അമ്മ മനസ് അറിയുമോ എന്ന കാര്യത്തില് സംശയമുണ്ട്. ഇതാവാം സിനിമാ രംഗത്തെ വനിതാ പ്രവര്ത്തകര്ക്ക് പുതിയൊരു കൂട്ടായ്മ രൂപീകരിക്കേണ്ടി വന്നത്. അതില് സിനിമാ രംഗത്തെ ചെറുപ്പക്കാരായ വനിതകളെ അഭിനന്ദിക്കുന്നു. പ്രമുഖ നേതാക്കളുള്പ്പടെ പുരുഷന്മാര് പരസ്യമായി പുരുഷ മേധാവിത്വത്തിനെതിരായി വിമര്ശിച്ചു രംഗത്തുവന്നതും വനിതാ താരകൂട്ടായ്മയെ അഭിനന്ദിച്ചതും സ്വാഗതാര്ഹമാണ്- ശ്രീമതി പറഞ്ഞു.
കിട്ടിയ അവസരം ശരിയായി വിനിയോഗിക്കാന് അമ്മയ്ക്കു കഴിഞ്ഞില്ല. ഒന്നു പൊട്ടിത്തെറിക്കുകയെങ്കിലും ചെയ്തൂടേ അവര്ക്ക് എങ്കില് സമൂഹമാകെ അവരെ അഭിനന്ദിച്ചേനേ. ജനം ഈ വിഷയം ഗൗരവത്തോടെ കാണുന്നുണ്ട്. എം.എ. ബേബി നല്കിയ പ്രസ്താവന വളരെ സ്വാഗതാര്ഹമാണ്.
അതിക്രമത്തിന് ഇരയായ വ്യക്തിയേയും അതിക്രമത്തിന്റെ പേരില് ആരോപണ വിധേയനായ വ്യക്തിയേയും ഞങ്ങള് തുല്യ നിലയിലാണു കാണുന്നതെന്നു പറയുമ്പോള് അമ്മ മനസ് തങ്ങള്ക്കൊപ്പമുണ്ടോ എന്ന് സിനിമാ രംഗത്തെ പെണ്കുട്ടികളും ജനങ്ങളാകേയും സംശയിച്ചാല് തെറ്റ് പറയാന് കഴിയില്ലെന്നും ശ്രീമതി കുറ്റപ്പെടുത്തി.
'അമ്മ '. ഒരു നല്ല സംഘടനയാണ്. എന്നാൽ "അമ്മക്ക് "അമ്മ മനസ്സ് അറിയുമോ എന്ന കാര്യത്തിൽ സംശയിക്കേണ്ടിയിരിക്കുന്നു. ഇത്തരം…
Posted by P.K.Sreemathi Teacher on Thursday, June 29, 2017
പ്രതികരിക്കാൻ ഇവിടെ എഴുതുക: