കോഴിക്കോട്: ഇസ്ലാമിക് സ്റ്റേറ്റില് ചേര്ന്ന മാറിയ അഞ്ച് മലയാളികള് കൂടി കൊല്ലപ്പെട്ടുവെന്ന് റിപ്പോര്ട്ട്. മലബാര് മേഖലയില് നിന്ന് ഐ.എസില് ചേരാന് പോയ അഞ്ചോളം പേര് സിറിയയില് നടന്ന ഏറ്റുമുട്ടലില് കൊല്ലപ്പെട്ടതായി ഇന്റലിജന്സ് ഏജന്സികള്ക്ക് വിവരം ലഭിച്ചെന്ന് ടൈംസ് ഓഫ് ഇന്ത്യയാണ് റിപ്പോര്ട്ട് ചെയ്തത്.
ഇതോടെ ഐ.എസില് ചേരാന് പോയി മരിച്ച മലയാളികളുടെ എണ്ണം പത്തായി. പാലക്കാട് കഞ്ചിക്കോട്, മലപ്പുറം വണ്ടൂര്, കണ്ണൂര് ചാലാട്, കോഴിക്കോട് വടകര, മലപ്പുറം കൊണ്ടോട്ടി എന്നിവടങ്ങളില് നിന്നുള്ളവരാണ് കൊല്ലപ്പെട്ടതെന്നാണ് ടൈംസ് ഓഫ് ഇന്ത്യയുടെ റിപ്പോര്ട്ടില് പറയുന്നത്. പോലീസ് സര്ക്കിളില് ഇവരെല്ലാം ബഹറിന് ഗ്രൂപ്പായിട്ടാണ് അറിയപ്പെടുന്നത്.
കഴിഞ്ഞ രണ്ട് മാസത്തിനിടെ നാല് പേര് അഫ്ഗാനിസ്ഥാനില് വച്ച് ഏറ്റുമുട്ടലില് കൊല്ലപ്പെട്ടിരുന്നു. ഇതില് മൂന്നു പേരും കാസര്കോട് പടന്ന സ്വദേശികളാണ്. ഐഎസിന്റെ സഖ്യസംഘടനയായ ജബാഹത്ത് അല് നുസ്റയില് ചേരാന് പുറപ്പെട്ട പാലക്കാട് സ്വദേശിയായ ഒരാളും സിറിയയില് കഴിഞ്ഞ മാസമുണ്ടായ ഏറ്റുമുട്ടലില് മരിച്ചു
പ്രതികരിക്കാൻ ഇവിടെ എഴുതുക: