ട്രംപിനെ പ്രസിഡന്റ് പദവിയില്‍ നിന്നും മാറ്റണമെന്ന് ആവശ്യം

Sunday 2 July 2017 9:03 am IST

വാഷിംഗ്ടണ്‍: അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന് ആ പദവി കൈകാര്യം ചെയ്യുന്നതിന് യോഗ്യതയില്ലെന്നും പദവിയില്‍ നിന്നും നീക്കണമെന്നും വിമര്‍ശനം. ഒരു കൂട്ടം ഡെമോക്രാറ്റിക് നേതാക്കളാണ് ആരോപണമുന്നയിച്ചിരിക്കുന്നത്. പ്രസിഡന്റ് പദവി വഹിക്കാനുള്ള മാനസികാവസ്ഥയല്ല ട്രംപിന്റേതെന്നും അതിനാല്‍ അദ്ദേഹത്തെ പദവിയില്‍ നിന്ന് നീക്കം ചെയ്യണമെന്നുമാണ് ആവശ്യം. രാജ്യത്തിന്റെ ഭരണഘടന അനുശാസിക്കുന്ന 25-ാം ഭരണഘടനാ ഭേദഗതിയുടെ അടിസ്ഥാനത്തില്‍ ട്രംപിനെ തല്‍സ്ഥാനത്തു നിന്ന് നീക്കണമെന്നാണ് ആരോപണമുന്നയിക്കുന്നവരുടെ ആവശ്യം. അമേരിക്കന്‍ പ്രതിനിധിസഭയിലെ അംഗമായ ജെയ്മി റസ്‌കിന്റെ നേതൃത്വത്തിലുള്ളവരാണ് ഇത് സംബന്ധിച്ച ആവശ്യമുന്നയിച്ചത്. ജനുവരിയില്‍ ട്രംപ് അധികാരമേറ്റത് മുതല്‍ രാജ്യത്ത് ഉണ്ടായിട്ടുള്ള സംഭവവികാസങ്ങളും ട്രംപ് ഭരണകൂടത്തിന്റെ ചില നടപടികളും മാത്രം പരിശോധിച്ചാല്‍ പ്രസിഡന്റ് പദത്തിന് യോജിച്ചയാളല്ല അദ്ദേഹമെന്ന് മനസിലാകുമെന്നും അതിനാലാണ് ഇത്തരമൊരാവശ്യമുന്നയിക്കുന്നതെന്നും റസ്‌കിന്‍ വ്യക്തമാക്കി. മറ്റ് ചില പ്രതിനിധിസഭാംഗങ്ങളുടെ പിന്തുണയും റസ്‌കിന് ഉണ്ടെന്നാണ് വിവരങ്ങള്‍  

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.