ആലത്തൂര്:കമിതാക്കളെ തൂങ്ങി മരിച്ച നിലയില് കണ്ടെത്തി. കുത്തന്നൂര് മലഞ്ചി റ്റി പരേതനായ കൃഷ്ണന്റെ മകള് ഓമന (51),സമീപവാസി കോതാരംപറ്റ വീട്ടില് കൃഷ്ണന്കുട്ടിയുടെ മകന് രജനീകാന്ത് (39) എന്നിവരെയാണ് തൂങ്ങി മരിച്ച നിലയില് കണ്ടെത്തിയത്.മരിച്ച ഓമനയുടെ വീട്ടിലാണ് സംഭവം. ഓമന അവിവാഹിതയാണ്. രജനീകാന്ത് വിവാഹിതനും രണ്ട് കുട്ടികളുടെ പിതാവുമാണ്. ഇരുവരും വര്ഷങ്ങളായി സ്നേഹ ബന്ധത്തിലായിരുന്നു.
മിക്ക ദിവസങ്ങളിലും ഇയാള് സ്വന്തം വീട്ടില് എത്താറില്ലായിരുന്നു.ഇവരുടെ അവിഹിത ബന്ധത്തെ തുടര്ന്ന് രജനീകാന്തിന്റെ ഭാര്യ രജിത രണ്ടാഴ്ച്ച മുമ്പ് കുഴല്മന്ദം പോലീസില് പരാതി നല്കിയിരുന്നു. പോലീസ് സ്റ്റേഷനില് വിളിപ്പിച്ച് ഇരുവരെയും താക്കീത് നല്കി വിട്ടിരുന്നതുമാണ്.ശനിയാഴ്ച രാത്രിയില് ഓമനയുടെ വീട്ടില് എത്തിയതിനു ശേഷം സുഹൃത്തിനെ വിളിച്ച് ഞായറാഴ്ച രാവിലെ ഓമനയുടെ വീട്ടില് വന്ന് തന്നെ വിളിക്കണമെന്ന് പറഞ്ഞിരുന്നു.
അതനുസരിച്ച് സുഹൃത്ത് രാവിലെ വന്ന് വിളിച്ചപ്പോഴാണ് വീടിന്റെ മേല്ക്കൂരയില് കര്ട്ടന്റെ തുണി ഉപയോഗിച്ച് തൂങ്ങിയ നിലയില് കണ്ടെക്കിയത്. രജനീകാന്തിന്റെ പോക്കറ്റില് നിന്നും 50,000 രൂപയും മരണാനന്തര ചടങ്ങിന് ഈ തുക ഉപയോഗിക്കണമെന്നെഴുതിയ കുറിപ്പും പോലീസ് കണ്ടെടുത്തു. കുഴല്മന്ദം പോലീസ് സ്ഥലത്തെത്തി ഇന്ക്വസ്റ്റ് നടത്തി.മൃതദേഹങ്ങള് ജില്ലാ ആശുപത്രിയില് പോസ്റ്റ്മോര്ട്ടം നടത്തി. മരിച്ച രജനീകാന്ത് ഡ്രൈവറും ഓമന കൂലിപ്പണിക്കാരിയുമാണ്.
പ്രതികരിക്കാൻ ഇവിടെ എഴുതുക: