പൂനെ: ടാങ്കര് ലോറിയും ബസും കൂട്ടിയിടിച്ച് ആറു പേര് മരിച്ചു. മഹാരാഷ്ട്ര പൂനെ ലോനികാന്ദില് ഞായറാഴ്ച രാത്രിയാണ് അപകടമുണ്ടായത്. അപകടത്തില് ഏഴു പേര്ക്ക് പരിക്കേറ്റു. ഇവരെ ആശുപത്രിയില് പ്രവേശിപ്പിച്ചു.
അഹമ്മദ് നഗറില് വിവാഹത്തില് പങ്കെടുത്ത് മടങ്ങുകയായിരുന്നവര് സഞ്ചരിച്ച ബസാണ് അപകടത്തില്പെട്ടത്. കുടിവെള്ളവുമായി പോവുകയായിരുന്ന ടാങ്കര് ലോറിയുമായി കൂട്ടിയിടിക്കുകയായിരുന്നു.
പ്രദേശവാസികൾ അപകടത്തില്പെട്ടവരെ പുറത്തെടുത്ത് ആശുപത്രിയിലെത്തിച്ചെങ്കിലും ആറു പേരും സംഭവ സ്ഥലത്ത് വച്ച് തന്നെ മരണപ്പെടുകയായിരുന്നു.സംഭവത്തില് പോലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: