കോഴിക്കോട്: ആരോഗ്യമന്ത്രി കെ.കെ. ശൈലജ രാജിവെക്കണമെന്നാവശ്യപ്പെട്ട് ബിജെപി ഡിഎംഒ ഓഫീസിലേക്ക് മാര്ച്ച് നടത്തി.
പനി ബാധ തടയുന്നതില് പരാജയപ്പെട്ടതിന്റെ ഉത്തരവാദിത്തം ഏറ്റെടുത്ത് ആരോഗ്യമന്ത്രി രാജിവെക്കണമെന്ന് ഉദ്ഘാടനം ചെയ്ത കെ. സുരേന്ദ്രന് ആവശ്യപ്പെട്ടു.
മെഡിക്കല് അടിയന്തരാവസ്ഥ പ്രഖ്യാപിച്ച് കേരളത്തെ പനിയില് നിന്നും രക്ഷിക്കണം. ബാറും ക്വാറിയും തുറന്നുകൊടുക്കുന്നതില് ജാഗ്രത കാണിക്കുന്ന സര്ക്കാര് പനി പടരുന്നത് തടയുന്നതില് പരാജയപ്പെട്ടിരിക്കുന്നു. സംസ്ഥാനത്ത് മെഡിക്കല് അടിയന്തരാവസ്ഥ പ്രഖ്യാപിക്കണമെന്നും ലീവില് പോയ ഡോക്ടര്മാരെ തിരിച്ചുവിളിക്കണമെന്നും അദ്ദേഹം ആവശ്യപ്പെട്ടു.
ബിജെപി ജില്ലാ പ്രസിഡന്റ് ടി.പി. ജയചന്ദ്രന് അദ്ധ്യക്ഷത വഹിച്ചു. ജില്ലാ ജനറല് സെക്രട്ടറി പി. ജിജേന്ദ്രന്, പി. രമണീഭായ്, എം. മോഹനന്, പി. ഹരിദാസ് എന്നിവര് സംസാരിച്ചു. എരഞ്ഞിപ്പാലത്ത് നിന്ന് ആരംഭിച്ച പ്രതിഷേധമാര്ച്ചിന് ബിജെപി നേതാക്കളായ ടി.പി. സുരേഷ്, എം. സി. ശശീന്ദ്രന്, ടി.കെ. പത്മനാഭന്, മല്ലികാലോഹിതാക്ഷന്, സി.പി. സതീഷ്, എന്.പി. രാമദാസ്, ജിഷാഗിരീഷ് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: