പയ്യന്നൂര്: തുരീയം സംഗീതോത്സവത്തിന് നാളെ പയ്യന്നൂരില് തുടക്കമാകും. പോത്താംകണ്ടം ആനന്ദഭവനം അതിഥ്യമരുളുന്ന പതിനാലാമത് തുരീയം സംഗീതോത്സവം നാളെ വൈകീട്ട് ആറ് മണിക്ക് സംഗീതജ്ഞന് വിദ്യാധരന് മാസ്റ്റര് ഭദ്രദീപം കൊളുത്തി ഉദ്ഘാടനം ചെയ്യും. നഗരസഭാ ചെയര്മാന് ശശി വട്ടക്കൊവ്വല് അധ്യക്ഷത വഹിക്കുന്ന ചടങ്ങില് കണ്ണുര് റേഞ്ച് ഐജി മഹിപാല് യാദവ് മുഖ്യാതിഥിയായിരിക്കും. ആദ്യദിന പരിപാടിയായി ഗണേഷ് , കുമരേഷ് എന്നിവര് ചേര്ന്നവതരിപ്പിക്കുന്ന ഇരട്ട വയലിന് കച്ചേരി അരങ്ങേറും.
രണ്ടാം ദിനം കോട്ടയം ജമനീഷ് ഭാഗവതരും മൂന്നാം ദിനം സാകേത് രാമനും നാലാം ദിനം റ്റി.എം.കൃഷ്ണയും അഞ്ചാം ദിനം സജ്ഞയ് സുബ്രഹ്മണ്യവും വായ്പാട്ട് അവതരിപ്പിക്കും. ആറാം ദിനം പത്മശ്രീ ഡോ.കദരി ഗോപാല് നാഥിന്റെ സാക്സഫോണ് കച്ചേരി, ഏഴാം ദിനം മദ്രാസ് പി.ഉണ്ണികൃഷ്ണന്റെ വായ്പാട്ട്, എട്ടാം ദിനം വീണാ ബാഡിഗറുടെ ഹിന്ദുസ്ഥാനി സംഗീതം, ഒമ്പതാംദിനം അക്കരെ സഹോദരിമാര് എന്നറിയപ്പെടുന്ന എസ്.സുബ്ബലക്ഷ്മി, എസ്. സ്വര്ണ്ണലത എന്നിവര് ചേര്ന്നവതരിപ്പിക്കുന്ന വായ്പാട്ട് എന്നിവ അരങ്ങേറും. പത്താം ദിനം പണ്ഡിറ്റ് ഹരിപ്രസാദ് ചാരസ്യയുടെ പുല്ലാങ്കുഴല് കച്ചേരിയും സമാപന ദിനമായ 16ന് അശ്വിനിബി ഡേ ദേശ്പാണ്ഡേ അവതരിപ്പിക്കുന്ന ഹിന്ദുസ്ഥാനി സംഗീതം, പഞ്ചരത്ന കീര്ത്തനാലാപനം എന്നിവ നടക്കും.
പ്രതികരിക്കാൻ ഇവിടെ എഴുതുക: