കൊല്ലം: ബാലഗോകുലം സംസ്ഥാന സമ്മേളനത്തിന്റെ ഭാഗമായി സോപാനം മിനി ഹാളില് സംഘടിപ്പിച്ചിട്ടുള്ള പുസ്തകോത്സവം ശ്രദ്ധേയമാകുന്നു.
രണ്ടാം സര്സംഘചാലകനായിരുന്ന ഗുരുജി ഗോള്വര്ക്കര് രചിച്ച വിചാരധാര മുതല് ഭക്തകവി പൂന്താനം രചിച്ച ജ്ഞാനപ്പാന വരെ ലഭ്യമായ പുസ്തകോത്സവം നൂറുകണക്കിന് പേരെയാണ് ദിവസവും ആകര്ഷിക്കുന്നത്. കുരുക്ഷേത്ര പ്രകാശന്റെതാണ് ഏറ്റവും കൂടുതല് പുസ്തകങ്ങള്. ദേശീയബോധമുള്ള തലമുറയെ വാര്ത്തെടുക്കുകയെന്ന ലക്ഷ്യം മുന്നിര്ത്തിയാണ് പുസ്തകോത്സവം സംഘടിപ്പിച്ചിട്ടുള്ളത്. കുരുക്ഷേത്രക്ക് പുറമെ ബുദ്ധ ബുക്സ്, ബാലസാഹിതി, നാഷണല് ബുക് സ്റ്റാള്, ഗ്രാമം ബുക്സ്, യുവമേള പബ്ലിക്കേഷന്സ്, നന്മ ബുക്സ് എന്നിവരും പുസ്തകമേളയില് പങ്കാളികളാണ്.
ലേഖനങ്ങളുടെ സമാഹാരം, കവിതകള്, ചരിത്രപഠനം, ഭാരതീയവിപ്ലവകാരികളെ പരിചയപ്പെടുത്തല്, ശാസ്ത്രപുസ്തകങ്ങള്, പത്രപ്രവര്ത്തകരചനകള്, നോവലുകള്, ഇതിഹാസങ്ങള്, പുരാണങ്ങള് എന്നിവയെല്ലാം മേളയുടെ മാറ്റുകൂട്ടുന്നു.
വ്രതങ്ങളും ഉത്സവങ്ങളും, രക്ഷകര്തൃവിദ്യാഭ്യാസം ശാസ്ത്രീയപഠനം, സാംഖ്യദര്ശനം, അംബേദ്കര്-സാമൂഹ്യവിപ്ലവയാത്ര, വേദമാധുരി, അഴീക്കോട് എന്ന മനുഷ്യന്, ചട്ടമ്പിസ്വാമികളുടെ ക്രിസ്തുമതഛേദനം, ഭാരതമെ ഉണരൂ, ഇനി ഞാന് ഉണരട്ടെ, വന്ദേമാതരത്തിന്റെ കഥ, വേദപരിചയം, ഗാന്ധിസം കാണപ്പെടാത്ത യാഥാര്ത്ഥ്യങ്ങള്, ആവരണം, അമ്മ അധിക്ഷേപിക്കപ്പെടുന്നതിന്റെ മതവും രാഷ്ട്രീയവും, സംഘപ്രവര്ത്തകന്, ഡോ.ഹെഡ്ഗേവാര്, ഗുരുജി ഗോള്വര്ക്കര്, നവോത്ഥാന ഭാരതം, യോഗയാജ്ഞവല്ക്യം, ആര്ഷദര്ശനങ്ങള്, നേതാജി സുഭാഷ്ചന്ദ്രബോസ് ചരിത്രവും നിഗൂഡതകളും, ബുദ്ധം ശരണം ഗച്ഛാമി, ഭീകരവാദത്തിന്റെ കാണാപ്പുറങ്ങള്, വാല്മീകി രാമായണം, ഡോ.അംബേദ്കറും സാമൂഹ്യനീതിയും, ഗുരുദേവന് പ്രതിഷ്ഠ നടത്തിയ ക്ഷേത്രങ്ങള്, വേദാധികാരനിരൂപണം, ആദിഭാഷ, വയലാറിന്റെ മൗനവാല്മീകങ്ങളിലൂടെ, രാമകഥാരസം, സംഗമഗ്രാമമാധവന്, ഉജ്വല കഥകള്, ഭഗിനി നിവേദിത തുടങ്ങി മൂന്നുറോളം ടൈറ്റിലുകളില് പുസ്തകങ്ങള് ലഭ്യമാണ്. രാവിലെ 10 മുതല് വൈകിട്ട് എട്ടുവരെയാണ് മേള. ആകര്ഷകമായ ഡിസ്കൗണ്ടും വായനക്കാര്ക്കായി ഒരുക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: