ഇടുക്കി: അണക്കെട്ടിലെ ജലനിരപ്പ് 2315.48 അടിയായി ഉയര്ന്നു, 20.017 ശതമാനം. ഇന്നലെ രാവിലെ ഏഴു മണിക്ക് രേഖപ്പെടുത്തിയ കണക്കാണിത്. കഴിഞ്ഞ വര്ഷം ഇതേ സമയം ഇത് 2327.28 അടിയായിരുന്നു. അതായത് 28.156 ശതമാനം. മുന് വര്ഷത്തേക്കാള് ഏകദേശം 12 അടി വെള്ളം കുറവ്.
മഴ ഇടയ്ക്ക് ശക്തമായിരുന്നെങ്കിലും പിന്നീട് ശക്തി കുറഞ്ഞത് ഡാമിലേയ്ക്ക് ഒഴുകിയെത്തുന്ന വെള്ളത്തിന്റെ തോത് കുറച്ചു, ഇതൊടൊപ്പം വൈദ്യുതി ഉപഭോഗം വര്ധിച്ചതും ജലനിരപ്പ് ഉയരുന്നത് സാവധാനമാക്കി.
ഇടുക്കിയില് 2.46 സെന്റി മീറ്റര് മഴ രേഖപ്പെടുത്തിയപ്പോള് 6.77 ദശലക്ഷം യൂണിറ്റ് വൈദ്യുതി ഉത്പാദിപ്പിക്കാനാവശ്യമായ വെള്ളം ഒഴുകിയെത്തി. അണക്കെട്ടിലാകെ 429.971 ദശലക്ഷം യൂണിറ്റ് വൈദ്യുതി ഉത്പാദിപ്പിക്കാനാവശ്യമായ വെള്ളം അവശേഷിക്കുന്നു. 3.962 ദശലക്ഷം യൂണിറ്റ് ഉത്പാദിപ്പിച്ചപ്പോള് സംസ്ഥാനത്തെ മൊത്തം ഉപഭോഗം 62.9168 ദശലക്ഷം യൂണിറ്റായിരുന്നു.
പ്രതികരിക്കാൻ ഇവിടെ എഴുതുക: