കണ്ണൂര്: തെരഞ്ഞെടുപ്പിന് ഒരുങ്ങുന്ന മട്ടന്നൂര് നഗരസഭയില് ആകെയുള്ളത് 35,630 വോട്ടര്മാര്. ഇവരില് 16,925 പുരുഷവോട്ടര്മാരും 18,705 വനിതാ വോട്ടര്മാരുമാണ്. 2244 പുതിയ വോട്ടര്മാരും ഇത്തവണയുണ്ട്. വോട്ടര്പട്ടികയില് പേര് ചേര്ക്കുതിന് ജൂലൈ 12 വരെ സമയം അനുവദിച്ചതായും സംസ്ഥാന തെരഞ്ഞെടുപ്പ് കമ്മീഷണര് വി.ഭാസ്ക്കരന് അറിയിച്ചു. രാഷ്ട്രീയ പാര്ട്ടികളുടെ യോഗത്തില് ഉണ്ടായ പൊതു ആവശ്യം പരിഗണിച്ചാണ് ഈ നടപടിയെും അദ്ദേഹം പറഞ്ഞു.
നഗരസഭയിലെ 35 വാര്ഡുകളിലായി 35 പോളിംഗ് സ്റ്റേഷനുകള് തെരഞ്ഞെടുപ്പിനായി സജ്ജമാക്കും. മട്ടന്നൂര് ഹയര്സെക്കന്ററി സ്കൂളാണ് വോട്ടെണ്ണല് കേന്ദ്രം. പെരുമാറ്റച്ചട്ടം കര്ശനമായി പാലിക്കുതിന് മുഴുവനാളും ശ്രദ്ധിക്കണമെന്നും പ്രതിനിധികളുടെ യോഗത്തില് അദ്ദേഹം അറിയിച്ചു.
തെരഞ്ഞെടുപ്പ് പെരുമാറ്റച്ചട്ടം മുതലുള്ള മുഴുവന് കാര്യങ്ങളുടെയും മേല്നോട്ടത്തിനായി ഐഎഎസ് റാങ്കിലുള്ള നിരീക്ഷകനുണ്ടാവും. ചെലവ് നിരീക്ഷകനെയും നിയോഗിക്കും. തെരഞ്ഞെടുപ്പ് പ്രചാരണത്തിന് ഫ്ളക്സും പ്ലാസ്റ്റിക്കും പൂര്ണമായി ഒഴിവാക്കി ഗ്രീന് പ്രോട്ടോക്കോള് പാലിക്കാനും യോഗത്തില് തീരുമാനമായി. പെരുമാറ്റച്ചട്ടം കൃത്യമായി പാലിക്കപ്പെടുുണ്ടോയെന്ന് പരിശോധിക്കാന് രാഷ്ട്രീയ പാര്ട്ടി പ്രതിനിധികള് ഉള്പ്പെട്ട ജില്ലാതല സമിതിയെയും നിയോഗിക്കും.
വോട്ടര് പട്ടികയില് നിന്ന് അര്ഹരായ പലരും ഒഴിവായതായി രാഷ്ട്രീയപാര്ട്ടി പ്രതിനിധികള് പറഞ്ഞു. ഇത് പരിഹരിച്ച് പട്ടിക കുറ്റമറ്റതാക്കാന് നടപടി വേണമെന്ന് അവര് ആവശ്യപ്പെട്ടു. സമാധാനപരവും മാതൃകാപരവുമായ തെരഞ്ഞെടുപ്പിന് മുഴുവന് രാഷ്ട്രീയ പാര്ട്ടി പ്രതിനിധികളുടെയും സഹകരണം ഉണ്ടാവണമെന്നും സംസ്ഥാന തെരഞ്ഞെടുപ്പ് കമ്മീഷണര് അഭ്യര്ഥിച്ചു.
യോഗത്തില് കമ്മീഷന് സെക്രട്ടറി കെ.വി.മുരളി, ജോ. സെക്രട്ടറി സി.രാധാകൃഷ്ണക്കുറുപ്പ്, ജില്ലാ കലക്ടര് മിര് മുഹമ്മദ് അലി, അസി. കലക്ടര് ആസിഫ് കെ.യൂസഫ്, ഇലക്ഷന് ഡപ്യൂ’ി കലക്ടര് സി.എം ഗോപിനാഥന്, വിവിധ രാഷ്ട്രീയ പാര്ട്ടി പ്രതിനിധികളായ രാജന് പുതുക്കുടി (ബിജെപി), പി.പുരുഷോത്തമന് (സിപിഎം), കെ.പി രമേശന്(ജനതാദള് എസ്), ചന്ദ്രന് തില്ലങ്കേരി (ഐഎന്സി), ടി.പി.സുനില്കുമാര് (സിഎംപി), എ.ആസാദ് (എസ്ഡിപിഐ), ഇ.പി.ഷംസുദ്ദീന് (ഐയുഎംഎല്), വി.മോഹനന് (ആര്എസ്പി), പി.വി.ഷാഹിദ്( എംവൈഎല്) ആര്.ടി.ജോസ് (എന്സിപി), കെ.എം ബാലകൃഷ്ണന് (ജനതാദള് യു), കെ.മുഹമ്മദ് റാഫി (സിഎംപി), എം.ദാമോദരന് (ഐഎന്സി) മുഹമ്മദ് ഇംതിയാസ് (വെല്ഫെയര് പാര്ട്ടി) എന്നിവരും സംബന്ധിച്ചു.
പ്രതികരിക്കാൻ ഇവിടെ എഴുതുക: