അരൂര്: ഒന്നര കിലോ കഞ്ചാവുമായി രണ്ട് പേര് പിടിയില്. പാലക്കാട് നെടിശ്ശേരി കടമുടി അബ്ദുള് ഖാദര് (37), കോയമ്പത്തൂര് ബംഗഌമേട് ബഷീര്(45) എന്നിവരാണ് പോലീസ് പിടിയിലായത്. അബ്ദുള് ഖാദര് നിരവധി കഞ്ചാവ് കേസ്സില് പ്രതിയാണ്.
മുന് ഉപരാഷ്ട്രപതി എല്.കെ. അദ്വാനിയെ വധിക്കുന്നതിനായി 1998 ല് ഉണ്ടാക്കിയ കോയമ്പത്തൂര് ബോംബ് സ്ഫോടന കേസിലെ പ്രതിയാണ് ബഷീര്. 58 പേര് മരിച്ച ഈ കേസ്സിലെ ശിക്ഷകഴിഞ്ഞ് 2008ല് പുറത്തിറങ്ങിയതാണ് ഇയാള്. അരൂര് പള്ളിക്ക് സമീപം വാഹന പരിശോധന നടത്തവെയാണ് ഇവര് അരൂര് പോലീസിന്റെ പിടിയിലായത്.
കഞ്ചാവു നിറച്ച സഞ്ചിയുമായി നടന്നു വരുകയായിരുന്നു ഇവര്. ജില്ലാ പോലീസ് മേധാവിയുടെ നിര്ദ്ദേശപ്രകാരം പ്രവര്ത്തിക്കുന്ന നര്ക്കോട്ടിക്ക് യൂണിറ്റായ റാന്സ് അംഗങ്ങളായ അരൂര് എസ്.ഐ. ടി.എസ്. റെനീഷ്, കെ.ജെ. സേവ്യര്, വിഎച്ച്. നിസ്സാര്, എ.അരുണ്കുമാര്, എബിന് കുമാര്, വൈശാഖ്, ടോണി വര്ഗ്ഗീസ് എന്നിവരാണ് സംഘത്തിലുണ്ടായിരുന്നത്.
പ്രതികരിക്കാൻ ഇവിടെ എഴുതുക: