അരൂര്: റോഡ് സൈഡില് ഗതാഗതത്തിന് തടസമായി നിന്നിരുന്ന മരം മുറിച്ച് കഷണങ്ങളാക്കി നാഷണല് ഹൈവേയുടെ ഇരുവശങ്ങളിലും കൂട്ടിയിട്ടിരിക്കുന്നത് ഇരുചക്ര വാഹനയാത്രികര്ക്ക് ഭീഷണിയാകുന്നു.
അരൂര് കൊച്ചുവെളിക്കവലയില് നാഷണല് ഹൈവേയുടെ ഓരം ചേര്ത്ത് ഇട്ടിരിക്കുന്ന തടിക്കഷണങ്ങളാണ് രാത്രികാലങ്ങളില് അപകടം വരുത്തുന്നത്. ഇതിനെതിരെ നാട്ടുകാര് പഞ്ചായത്ത് അധികൃതര്ക്ക് പരാതി നല്കിയിരുന്നു.
തുടര്ന്ന് ഹൈവേയിലേയ്ക്ക് ചാഞ്ഞു കിടന്നിരുന്ന വന്മരം അധികൃതര് വെട്ടി മാറ്റിയെങ്കിലും മരക്കഷണങ്ങള് റോഡിലേക്ക് തള്ളി കിടക്കുന്നത അപകടത്തിന് കാരണമാകുന്നു. രാത്രി കാലങ്ങളില് ഇരുചക്രവാഹനങ്ങള് ഈ മരക്കഷണങ്ങളില് തട്ടിയാണ് അപകടം.
കവലയിലെ തടിക്കഷണങ്ങള് ലേലം ചെയ്യുകയോ ഹൈവേയില് നിന്നും നീക്കം ചെയ്യുകയോ വേണമെന്നാണ് പ്രദേശവാസികളുടെ ആവശ്യം.
പ്രതികരിക്കാൻ ഇവിടെ എഴുതുക: