മൂന്നാര്: കടയില് പാചകത്തിനിടെ ഗ്യാസ് ലീക്കായി തീപിടിത്തം. വന്ദുരന്തം ഒഴിവായി. സംഭവം മൂന്നാര് ടൗണിന് നടുവില്. ബേക്കറിയുടെ അടുക്കളയുടെ കുറച്ച് ഭാഗം കത്തി നശിച്ചു.
ഇന്നലെ രാത്രി 7 മണിയോടെയാണ് എഡ്വിന് ഡി രാജിന്റെ ഉടമസ്ഥതയിലുള്ള സുഗന്ധി റ്റീ സ്റ്റാളില് തീപിടിക്കുന്നത്. ഭക്ഷണം പാകം ചെയ്യുന്നതിനിടെ സിലിണ്ടറിന് തീ കടന്ന് പിടിക്കുകയായിരുന്നു. തീ ആളികത്തിയതോടെ അണയ്ക്കാന് സാധിക്കാതെ വന്നതോടെ അഗ്നിശമന സേനയെ വിവരം അറിയിക്കുകയായിരുന്നു. തുടര്ന്ന് ഇവരെത്തിയാണ് തീ അണച്ചത്.
അടുക്കളുടെ കുറച്ച് ഭാഗവും സമീപത്തിരുന്ന ജനറേറ്റിന്റെ മുകള് ഭാഗവും തീ പിടുത്തത്തില് കത്തി നശിച്ചു. അഗ്നിശമനസേന തീ അണച്ച ശേഷം വെള്ളം ഉപയോഗിച്ച് സിലിണ്ടര് തണുപ്പിച്ചു. പിന്നീട് ഓസ് മുറിച്ച് മാറ്റി പുറത്തേയ്ക്ക് മാറ്റി. ആധുനിക രീതിയില് തീ അണയ്ക്കാന് ഉപയോഗിക്കുന്ന ഉപകരണം ഉണ്ടായിരുന്നെങ്കിലും ഇത് ഉപയോഗിക്കാന് അറിയാതിരുന്നത് തിരിച്ചടിയായി. തീപിടിച്ചതറിഞ്ഞ് നൂറുക്കണക്കിന് പേരാണ് പ്രദേശത്ത് തടിച്ച് കൂടിയത്.
പോലീതെത്തിയാണ് മേഖലയിലെ ഗതാഗതം ഏറെ സമയം എടുത്ത് പുന:സ്ഥാപിച്ചത്. മൂന്നാര് എസ്ഐ പി ജിതേഷിന്റെ നേതൃത്വത്തിലുള്ള സംഘം സ്ഥലത്തെത്തിയാണ് ജനങ്ങളെ നിയന്ത്രിച്ചത്. അരമണിക്കൂറോളം ഗതാഗതം തടസ്സപ്പെട്ടു. മൂന്നാര് അഗ്നിശമന സേനയിലെ ലീഡിങ് ഫയര്മാന് ബിജു പി ജേക്കബ്, ജീവനക്കാരായ ലോറന്സ്, സജിത്ത്, ഷിജു, അനസ്, മഹേഷ്, സുരാജ്, അഭിലാഷ് എന്നിവരടങ്ങിയ സംഘം സ്ഥലത്തെത്തിയത്.
പ്രതികരിക്കാൻ ഇവിടെ എഴുതുക: