തിരുവനന്തപുരം: നടിയെ ആക്രമിച്ച കേസില് അന്വര് സാദത്ത് എംഎല്എയുടെ മൊഴി രേഖപ്പെടുത്തി. അന്വേഷണ സംഘം എംഎല്എ ഹോസ്റ്റലില് എത്തിയാണ് മൊഴി രേഖപ്പെടുത്തിയത്. ദിലീപുമായുള്ള ഫോണ് സംഭാഷണ വിവരങ്ങളെക്കുറിച്ചാണ് ചോദിച്ചത്.
മൊഴിയെടുത്ത കാര്യം അന്വര് സാദത്ത് തന്നെയാണ് മാധ്യമങ്ങളെ അറിയിച്ചത്. ദിലീപുമായുള്ള ബന്ധത്തെക്കുറിച്ചും പള്സര് സുനിയെ അറിയാമോയെന്നുമാണ് അന്വേഷണ സംഘം ചോദിച്ചതെന്ന് അന്വര് സാദത്ത് പറഞ്ഞു.
നടി ആക്രമിക്കപ്പെട്ട ദിവസത്തിന് ശേഷം അന്വര് സാദത്ത് പലതവണ ദിലീപിനെ ഫോണില് വിളിച്ചിരുന്നതായി കണ്ടെത്തിയിരുന്നു. എന്നാല് അടുത്ത സുഹൃത്തുക്കളായ തങ്ങള് നിരന്തരം വിളിക്കാറുണ്ടെന്നാണ് അന്വര് പറഞ്ഞിരുന്നത്.
പ്രതികരിക്കാൻ ഇവിടെ എഴുതുക: