മട്ടന്നൂര്: മട്ടന്നൂര് നഗരസഭാ തെരഞ്ഞെടുപ്പില് മുഴുവന് പോളിങ്ങ് ബൂത്തുകളിലും വെബ്കാസ്റ്റിങ്ങ് നടത്താന് തെരഞ്ഞെടുപ്പ് കമ്മീഷന് തീരുമാനം. ഒരു വാര്ഡില് ഒന്ന് എന്ന നിലയില് 35 ബൂത്തുകളാണുള്ളത്. ഇതിനു പുറമെ ബൂത്തുകള്ക്ക് പുറത്ത് വീഡിയോ ചിത്രീകരണം ഏര്പ്പെടുത്തണമെന്ന് പൊലീസ് ആവശ്യപ്പെട്ടിട്ടുണ്ട്. 27 ബൂത്തുകള് പ്രശ്നസാധ്യതയുള്ളതായാണ് പൊലീസ് റിപ്പോര്ട്ട്.
വോട്ട് ചെയ്യാനെത്തുന്ന എല്ലാ കന്നി വോട്ടര്മാര്ക്കും വൃക്ഷതൈ വിതരണം ചെയ്യാന് ഡെപ്യൂട്ടി കലക്ടര് (ഇലക്ഷന്) സി.എം.ഗോപിനാഥന്റെ അധ്യക്ഷതയില് ചേര്ന്ന യോഗം തീരുമാനിച്ചു. ചുറ്റുമതിലില്ലാത്ത ബൂത്തുകളില് ആവശ്യമായ ബാരിക്കേഡുകള് ഒരുക്കാന് നഗരസഭാ അധികൃതര്ക്ക് യോഗം നിര്ദേശം നല്കി. തെരഞ്ഞെടുപ്പ് പ്രചാരണത്തില് പെരുമാറ്റച്ചട്ടം കര്ശനമായി പാലിക്കുന്നുവെന്ന് ഉറപ്പാക്കും. ഇതിനാവശ്യമായ സ്ക്വാഡുകളും ക്രമീകരണങ്ങളും ഏര്പ്പെടുത്തും. പൊതുസ്ഥലത്ത് പ്രചാരണ സാമഗ്രികള് സ്ഥാപിച്ചാല് കര്ശന നടപടി കൈക്കൊള്ളും. സോഷ്യല് മീഡിയ വഴിയുള്ള പ്രചാരണവും കര്ശനമായി നിരീക്ഷിക്കാന് േയാഗത്തില് തീരുമാനമായി.
യോഗത്തില് റിട്ടേണിങ്ങ് ഓഫീസര്മാരായ ഡിഎഫ്ഒ സുനീല് പാമിഡി, എസിഎഫ് എ.പി.ഇംതിയാസ്, ഇരിട്ടി ഡിവൈഎസ്പി പ്രജീഷ് തോട്ടത്തില്, ജില്ലാ ഇന്ഫര്മേഷന് ഓഫീസര് ഇ.കെ.പത്മനാഭന്, അസി. റിട്ടേണിങ്ങ് ഓഫീസര്മാര് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: