ഇരിട്ടി: സീറോ മലബാര് സഭാ വൈദിക പരിശീലന കേന്ദ്രമായ കുന്നോത്ത് ഗുഡ് ഷെപ്പേര്ഡ് മേജര് സെമിനാരി ആസ്ഥാന മന്ദിരത്തിന്റെയും ഗ്രന്ഥാലയത്തിന്റെയും ആശീര്വാദവും ഉദ്ഘാടനവും 20 ന് 10.30 ന് സീറോ മലബാര്സഭ മേജര് ആര്ച്ച് ബിഷപ് കര്ഡിനാള് മാര് ജോര്ജ് ആലഞ്ചേരി നിര്വഹിക്കുമെന്ന് ഭാരവാഹികള് പത്രസമ്മേളനത്തില് അറിയിച്ചു. തലശേരി ആര്ച്ച് ബിഷപ് മാര് ജോര്ജ് ഞരളക്കാട്ട് അധ്യക്ഷത വഹിക്കും. ബിഷപ്പുമാരായ മാര് ലോറന്സ് മുക്കുഴി, മാര് റിമീജിയോസ് ഇഞ്ചനാനിയില് എന്നിവര് പ്രതിഷ്ഠാകര്മങ്ങളില് സഹകാര്മികരായിരിക്കും. മലബാര് തിയോളജിക്കല് റിവ്യൂ എന്ന െ്രെതമാസികയും ഗുഡ്ഷെപ്പേര്ഡ് ബുക്സ് എന്ന പ്രസിദ്ധീകരണ വിഭാഗവും മുപ്പതിനായിരത്തിലധികം പുസ്തകങ്ങളും ആനുകാലികങ്ങളും അടങ്ങുന്ന ലൈബ്രറി പുതിയ ആസ്ഥാനമന്ദിരത്തിലാണ് പ്രവര്ത്തിക്കുന്നതെന്നും കാലത്തിന്റെ മാറ്റങ്ങള്ക്കനുസരിച്ചുള്ള വെല്ലുവിളികള് അതിജീവിക്കാനുതുകുന്ന വിധത്തില് ദൈവശാസ്ത്ര, തത്വശാസ്ത്ര പഠന സംവിധാനങ്ങളാണ് ക്രമീകരിച്ചിട്ടുള്ളതെന്നും റെക്ടര് റവ.ഡോ.ഇമ്മാനുവല് ആട്ടേല്, പ്രഫസര്മാരായ റവ.ഡോ.തോമസ് വള്ളിയാനിപ്പുറം, റവ.ഡോ.ഫിലിപ്പ് മറ്റത്തില് എന്നിവര് പത്രസമ്മേളനത്തില് അറിയിച്ചു.
പ്രതികരിക്കാൻ ഇവിടെ എഴുതുക: