വടക്കാഞ്ചേരി: ഹൃദ്രോഗം ബാധിച്ച വീട്ടമ്മ സുമനസ്സുകളുടെ സഹായം തേടുന്നു. തെക്കുംകര പഞ്ചായത്തിലെ അടങ്ങളം തടത്തില് സുലോചനയുടെ മകള് ശരണ്യ (25) ആണ് തുടര്ചികിത്സയ്ക്കായി സുമനസ്സുകളുടെ സഹായം തേടുന്നത്. ജന്മനാ ഹൃദയസംബന്ധമായ അസുഖംമൂലം ശരണ്യ ദുരിതത്തിലാണ്. ഭര്ത്താവ് സുരേഷ് കൂലിപ്പണി എടുത്താണ് കുടുംബം പോറ്റുന്നത്. സുരേഷിന്റെ മാതാപിതാക്കളും സഹോദരനും നിത്യരോഗികളും.
ഏക മകന് വിദ്യാര്ത്ഥിയുമാണ്. അസുഖം കൂടുതലായതോടെ ശരണ്യ അമ്മയോടൊപ്പം നിന്നാണ് ചികിത്സയ്ക്കുപോകുന്നത്. നാട്ടുകാരുടെ സഹായത്തിലാണ് ചികിത്സാചെലവുകള് നിറവേറ്റുന്നത്. ഹൃദയം മാറ്റിവെക്കല് ശസ്ത്രക്രിയ ചെയ്യണമെന്നാണ് ഡോക്ടറുടെ നിര്ദ്ദേശം.
തുടര് ചികിത്സയ്ക്കും ഹൃദയം മാറ്റിവെക്കുന്നതിനും പണം കണ്ടെത്തുന്നതിനുവേണ്ടി വാര്ഡ് മെമ്പര് വാസ സുരേഷ് ചെയര്മാനും എ.എസ്. സലീം കണ്വീനറും ടി.കെ. രാജേഷ് ട്രഷററുമായി ശരണ്യ ചികിത്സാ സഹായ സമിതി രൂപീകരിച്ചു. സൗത്ത് ഇന്ത്യന് ബാങ്കിന്റെ വടക്കാഞ്ചേരി ശാഖയില് 0095073000050929 നമ്പറായി അക്കൗണ്ടും തുടങ്ങി. ഐ.എഫ്.എസ്. കോഡ്: ടകആഘ 0000095. ഫോണ്: 7025591542.
പ്രതികരിക്കാൻ ഇവിടെ എഴുതുക: