ലാഹോര്: ഇന്ത്യന് ടെലിവിഷന് പരിപാടികള് ഇനി പാക്കിസ്ഥാനിലും കാണാം. ഇന്ത്യന് ടി.വി സംപ്രേക്ഷണം ചെയ്യുന്നതിന് പാക്കിസ്ഥാനിലെ ഇലക്ട്രോണിക് മീഡിയ റെഗുലേറ്ററി അതോറിറ്റി (പിഇഎംആര്എ) ഏര്പ്പെടുത്തിയിരുന്ന വിലക്ക് ലാഹോര് ഹൈക്കോടതി നീക്കിയതിനെ തുടര്ന്നാണിത്.
ഇന്ത്യന് ചാനലുകളിലെ പരിപാടികള് നിരോധിക്കാന് പിഇഎംആര്എയ്ക്ക് അധികാരമില്ലെന്ന ഹര്ജിയിലായിരുന്നു ലാഹോര് ഹൈക്കോടതിയുടെ ഉത്തരവ്. ടിവി പരിപാടിയിലെ പാക് വിരുദ്ധവും അധിക്ഷേപകരവുമായ ഉള്ളടക്കം നീക്കം ചെയ്യാവുന്നതാണ്. എന്നാല് ചാനലുകളിലെ പരിപാടികള് പൂര്ണമായും നിരോധിക്കേണ്ട ആവശ്യമില്ലെന്നു ലാഹോര് ഹൈക്കോടതി ചീഫ് ജസ്റ്റിസ് ഉത്തരവിട്ടു.
ഇന്ത്യന് സിനിമകള്ക്ക് പാക്കിസ്ഥാനില് ഏര്പ്പെടുത്തിയിരുന്ന നിരോധനം ഈവര്ഷം ഫെബ്രുവരിയിലാണ് നീക്കിയത്. എന്നാല് ടെലിവിഷന് പരിപാടികള്ക്കുള്ള വിലക്ക് തുടര്ന്നിരുന്നു.
പ്രതികരിക്കാൻ ഇവിടെ എഴുതുക: