പത്തനംതിട്ട: ബിലീവേഴ്സ് ചര്ച്ചിന്റെ ഉടമസ്ഥതയിലുള്ള എരുമേലി ചെറുവള്ളി എസ്റ്റേറ്റില് ശബരിമല വിമാനത്താവളം നിര്മിക്കും. വിമാനത്താവളത്തിന് ആവശ്യമായ ഭൂമി ഏറ്റെടുക്കാന് ഇന്ന് ചേര്ന്ന മന്ത്രിസഭായോഗം തീരുമാനിച്ചു.
സ്ഥലം കണ്ടെത്തുന്നതിന് അഡീഷണല് ചീഫ് സെക്രട്ടറി പി.എച്ച്. കുര്യന്റെ നേതൃത്വത്തില് നാലംഗ ഉദ്യോഗസ്ഥസമിതിയെ സര്ക്കാര് നിയോഗിച്ചിരുന്നു. ഈ സമിതിയുടെ ശുപാര്ശ അംഗീകരിച്ചുകൊണ്ടാണ് ചെറുവളളി എസ്റ്റേറ്റില് വിമാനത്താവളം പണിയാന് തീരുമാനിച്ചത്.
ഇവിടെ 2263 ഏക്കര് ഭൂമിയുണ്ട്. രണ്ട് ദേശീയ പാതകളുടെയും അഞ്ച് പൊതുമരാമത്ത് റോഡുകളുടെയും സമീപത്താണ് സ്ഥലം. ഇവിടെ നിന്ന് ശബരിമലയിലേക്ക് നാല്പത്തിയെട്ട് കിലോമീറ്ററാണ് ദൂരം. കൊച്ചിയില് നിന്ന് 113 കിലോമീറ്റര് ദൂരമുണ്ട്.
അതേസമയം ഭൂമി ഏറ്റെടുക്കുന്ന കാര്യം സര്ക്കാര് ഔദ്യോഗികമായി അറിയിച്ചിട്ടില്ലെന്ന് ബിലീവേഴ്സ് ചര്ച്ച് അറിയിച്ചു.
പ്രതികരിക്കാൻ ഇവിടെ എഴുതുക: