വടക്കഞ്ചേരി:അഞ്ചുമൂര്ത്തി മംഗലം ദേശീയ പാതയില് ചതഞ്ഞരഞ്ഞ നിലയില് അഞ്ജാത മൃതദേഹം കണ്ടെത്തി. ബുധനാഴ്ച പുലര്ച്ചെ നാല് മണിയോടു കൂടിയാണ് മൃതദേഹം കണ്ടത്.സമീപത്തെ ചായക്കട തുറക്കാന് വന്ന കടക്കാരനാണ് ആദ്യം മൃതദേഹം കണ്ടത്.ഉടന് തന്നെ ഫയര്ഫോഴ്സിനെ വിവരം അറിയിക്കുകയായിരുന്നു.
തുടര്ന്ന് ഫയര്ഫോഴ്സും വടക്കഞ്ചേരി പോലീസും സ്ഥലതെത്തി മൃതദേഹം താലൂക്ക് ആശുപത്രിയിലേക്ക് മാറ്റി.തലയിലൂടെയും ശരീരത്തിലൂടെയും വാഹനങ്ങള് കയറിയിറങ്ങി ചതഞ്ഞരഞ്ഞ നിലയിലാണ് മൃതദേഹം കണ്ടത്. വാഹനമിടിച്ച് മരിച്ചതിന് ശേഷം മൃതദേഹത്തില് മറ്റു വാഹനങ്ങള് കയറിയിറങ്ങിയതാണെന്ന് കരുതുന്നു.വലത് കയ്യില് ചെറുവിരലിനോട് ചേര്ന്ന് ആറാമത് ഒരു വിരല് കൂടിയുണ്ട്.
മൃതദേഹം പോസ്റ്റ്മോര്ട്ടത്തിന് ശേഷം ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. ഇയാളെ കുറിച്ച് എന്തെങ്കിലും വിവരം ലഭിക്കുന്നവര് വടക്കഞ്ചേരി സ്റ്റേഷനില് അറിയിക്കണമെന്ന് എസ്.ഐ. അറിയിച്ചു.
പ്രതികരിക്കാൻ ഇവിടെ എഴുതുക: