കൊച്ചി:കൊച്ചിയില് പ്രമുഖ നടിയെ ആക്രമിച്ച കേസില് മുഖ്യപ്രതി പള്സര് സുനിയുടെ മുന് അഭിഭാഷകന് പ്രതീഷ് ചാക്കോ അന്വേഷണ സംഘത്തിനു മുന്നില് ഹാജരായി. ആലുവ പോലീസ് ക്ലബിലാണ് അദ്ദേഹം ഹാജരായത്.
ബുധനാഴ്ച പ്രതീഷ് ചാക്കോയോട് അന്വേഷണ സംഘത്തിന് മുന്നില് ഹാജരാകണമെന്നു ഹൈക്കോടതി ഉത്തരവിട്ടിരുന്നു. പ്രതീഷിന്റെ ജാമ്യ ഹര്ജി പരിഗണിക്കവേ ആയിരുന്നു ഹൈക്കോടതിയുടെ നിര്ദേശം.
നടിയെ ആക്രമിച്ച കേസിലെ മുഖ്യപ്രതി പള്സര് സുനി ദൃശ്യങ്ങള് അടങ്ങിയ മൊബൈല് ഫോണ് പ്രതീഷ് ചാക്കോയ്ക്ക് കൈമാറിയെന്നാണ് പോലീസ് ഭാഷ്യം. . ഇതിന്റെ അടിസ്ഥാനത്തില് ചോദ്യം ചെയ്യലിന് ഹാജരാകാന് അന്വേഷണ സംഘം പ്രതീഷ് ചാക്കോയ്ക്ക് നോട്ടീസ് നല്കി. തുടര്ന്നാണ് മുന്കൂര് ജാമ്യം തേടി ഇയാള് ഹൈക്കോടതിയെ സമീപിച്ചത്.
പ്രതികരിക്കാൻ ഇവിടെ എഴുതുക: