ബാഴ്സലോണ: ബ്രസീലിയന് സൂപ്പര്താരം നെയ്മറെ സ്വന്തമാക്കാന് ഫ്രഞ്ച് ക്ലബ് പിഎസ്ജി കച്ചമുറുക്കി രംഗത്ത്. ഫുട്ബോള് ചരിത്രത്തിലെ ഏറ്റവും വലിയ തുകയാണ് നെയ്മറിനായി മുടക്കാന് പിഎസ്ജി തയ്യാറായിരിക്കുന്നത്. ലോകറെക്കോര്ഡ് തുകയായ 196 മില്യണ് പൗണ്ട് (1634 കോടിരൂപ) വരെ താരത്തിനായി മുടക്കാന് പിഎസ്ജി തയ്യാറായതായി ഡെയ്ലി മെയ്ല് റിപ്പോര്ട്ട് െചയ്തു.
കൂടാതെ ആഴ്ചയില് ശമ്പളമായി 5,96,000 പൗണ്ടും നെയ്മറിന് ക്ലബ് വാഗ്ദാനം ചെയ്തിട്ടുണ്ട്.
നേരത്തെ നെയ്മറിനായി ചെല്സി, മാഞ്ചസ്റ്റര് യുണൈറ്റഡ് ടീമുകളും രംഗത്തുണ്ടായിരുന്നു. എന്നാല് നെയ്മറിനായി ബാഴ്സലോണ കനത്ത വിലയിട്ടതോടെ ചെല്സി പിന്മാറി.
അതേസമയം നെയ്മര് ബാഴ്സലോണയില് തുടരുമെന്ന് പ്രസിഡന്റ് ജോസഫ് മരിയബര്ത്യോമു. താരം പിഎസ്ജിയിലേക്ക് കൂടുമാറുമെന്ന വാര്ത്ത അടിസ്ഥാനരഹിതമാണെന്നും അദ്ദേഹം പറഞ്ഞു.
നെയ്മറുടെ കരാര് 2018-ല് അവസാനിക്കുന്ന സാഹചര്യത്തിലാണ് താരം ക്ലബ്ബ് വിടുമെന്ന തരത്തില് വാര്ത്തകള് പ്രചരിച്ചത്. നെയ്മറെ പിഎസ്ജിയുമായി ബന്ധപ്പെടുത്തി കൂടുതല് വാര്ത്തകള് വന്നതോടെയാണ് ബാഴ്സ പ്രസിഡന്റ് വിശദീകരണവുമായി രംഗത്തെത്തിയത്. നെയ്മര് ബാഴ്സയില് തുടരുമെന്നും 2021 ഒക്ടോബര് വരെ കരാര് നീട്ടിയിട്ടുണ്ടെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക: