തിരുവനന്തപുരം: തിരുവനന്തപുരം, കോഴിക്കോട് ലൈറ്റ്മെട്രോ പദ്ധതികള്ക്ക് സ്ഥലമെടുപ്പ് വേഗത്തിലാക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതല യോഗം തീരുമാനിച്ചു.
ലൈറ്റ് മെട്രോയ്ക്ക് ഏതു സാങ്കേതികവിദ്യ ഉപയോഗിക്കണമെന്നതു സംബന്ധിച്ച് ശുപാര്ശ നല്കാന് ഡിഎംആര്സി മുഖ്യ ഉപദേഷ്ടാവ് ഇ. ശ്രീധരനെ ചുമതലപ്പെടുത്തി.
തിരുവനന്തപുരം ലൈറ്റ് മെട്രോ ടെക്നോസിറ്റി മുതല് കരമന വരെ 21.8 കിലോ മീറ്ററിലാണ് വിഭാവനം ചെയ്തിട്ടുള്ളത്. കരമനയില് നിന്ന് പാപ്പനംകോട് വരെ നീട്ടുന്ന കാര്യത്തില് പഠനം നടത്തും. ഉള്ളൂര് ഫ്ളൈ ഓവര് മെഡിക്കല് കോളേജ് വരെ നീട്ടുന്ന കാര്യത്തിലും പഠനം വേണമെന്ന് നിശ്ചയിച്ചു.
രണ്ട് നഗരങ്ങളിലെയും ലൈറ്റ് മെട്രോ പദ്ധതികള്ക്കു 2015 ലാണ് ഭരണാനുമതി നല്കിയത്. അന്നത്തെ എസ്റ്റിമേറ്റ് അനുസരിച്ച് ചെലവ് 6728 കോടി രൂപയാണ്. തിരുവനന്തപുരത്തിന് 4219 കോടിയും കോഴിക്കോടിന് 2509 കോടിയും. കോഴിക്കോട്ടെ ലൈറ്റ് മെട്രോ മെഡിക്കല് കോളേജ് മുതല് മീഞ്ചന്ത വരെയാണ്. ഇരു പദ്ധതികളിലും കേന്ദ്രത്തിന്റെയും സംസ്ഥാനത്തിന്റെയും മുതല് മുടക്ക് 20 ശതമാനം വീതമാണ്.
പ്രതികരിക്കാൻ ഇവിടെ എഴുതുക: