കണ്ണൂര്: മലബാറിലെ പ്രഥമ ദൈവദാസിയായ സിസ്റ്റര് മരിയ സെലിന്റെ അറുപതാം ചരമവാര്ഷികം 22ന് നടക്കും. 22ന് കാലത്ത് ഒമ്പതരക്ക് കണ്ണൂര് പയ്യാമ്പലം ഉര്സുലൈന് പ്രൊവിന്ഷ്യല് ഹൗസ് അങ്കണത്തില് നടക്കുന്ന പരിപാടിയോടനുബന്ധിച്ച് ദൈവദാസിയുടെ കബറിടത്തില് പ്രാര്ത്ഥനാ ശുശ്രൂഷ, കാലത്ത് പത്തിന് സമൂഹ ദിവ്യബലി എന്നിവയുണ്ടാകും. കണ്ണൂര് രൂപതാ അധ്യക്ഷന് ഫാ.അലക്സ് വടക്കുംതലയുടെ അധ്യക്ഷതയില് നടക്കുന്ന അനുസ്മരണ സമ്മേളനം തലശ്ശേരി അതിരൂപതാധ്യക്ഷന് മാര് ജോര്ജ് ഞരളക്കാട്ട് ഉദ്ഘാടനം ചെയ്യുമെന്ന് സംഘാടകര് വാര്ത്താസമ്മേളനത്തില് അറിയിച്ചു. മുന് ഡിജിപി ഡോ അലക്സാണ്ടര് ജേക്കബ് മുഖ്യപ്രഭാഷണം നടത്തും. ചരമവാര്ഷികാചരണത്തിന്റെ ഭാഗമായി സംടിപ്പിച്ച അഖില കേരള മെഗാ ക്വിസ് മത്സരത്തിലെ വിജയികള്ക്കുള്ള സമ്മാനദാനം ചടങ്ങില് വെച്ച് നടത്തും. കൂടാതെ ഉര്സുലൈന് സഭയുടെ ജീവകാരുണ്യ പ്രവര്ത്തനത്തിന്റെ ഭാഗമായുള്ള മൂന്ന് ഓട്ടോറിക്ഷകളുടെ താക്കോല്ദാനവും നടത്തും. വാര്ത്താസമ്മേളനത്തില് മോണ്.ദേവസ്യ ഈരത്തറ. സിസ്റ്റര് വിനയ പുരയിടത്തില്, ഫാ.ജോര്ജ് പൈനാടത്ത്, സിസ്റ്റര് വീണ പണങ്ങാട്ട്, സിസ്റ്റര് ലിസി ജോസ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: