കുടിയാന്മല: നടുവില് പഞ്ചായത്തില്പെട്ട കുടിയാന്മ-കോട്ടച്ചോല റോഡിലെ മഞ്ചപ്പള്ളിക്കവലക്ക് സമീപം ചുഴലിക്കാറ്റില് വന് കൃഷിനാശം. ഇന്നലെ രാത്രി കണത്ത മഴയോടൊപ്പമാണ് ചുഴലിക്കാറ്റ് വീശിയത്. മഞ്ചപ്പള്ളില് ജോസഫിന്റെ കൃഷിയിടത്തിലാണ് ചുഴലിക്കാറ്റ് വ്യാപക നാശം വിതച്ചത്. നിരവധി റബ്ബര് മരങ്ങള് നശിച്ചിട്ടുണ്ട്. തെങ്ങ്, കമുക്, കശുമാവ്, ജാതി, വാഴ തുടങ്ങിയവയും മരങ്ങളും നശിച്ചു. കുടിയാന്മല-കൊട്ടച്ചോല റോഡില് മരങ്ങള് പൊട്ടിവീണ് വാഹന ഗതാഗതം തടസ്സപ്പെട്ടു. വൈദ്യുതി തൂണുകള് തകര്ന്ന് പ്രദേശത്ത് വൈദ്യുത ബന്ധവും നിലച്ചു. നടുവില് വില്ലേജ് ഓഫീസ് അധികൃതര് ചുഴലിക്കാറ്റില് തകര്ന്ന കൃഷിയിടം സന്ദര്ശിച്ചു. രണ്ടുലക്ഷത്തിലേറെ രൂപയുടെ നാശനഷ്ടമുണ്ടായതായി കണക്കാക്കുന്നു.
പ്രതികരിക്കാൻ ഇവിടെ എഴുതുക: