ചങ്ങനാശേരി: എംസി റോഡ് പാലാത്രയിലും ബൈപാസ് റോഡിലെ മൈത്രീനഗറിലും ഉണ്ടായ വാഹനാപകടങ്ങളില് രണ്ടു പേര്ക്ക് പരുക്കേറ്റു.ഇന്നലെ രാവിലെ 7.30 ന് എംസി റോഡില് പാലാത്രപാലത്തിന്റെ കൈവരിയില് കാര് ഇടിച്ച് ആലപ്പുഴ വളഞ്ഞവട്ടം സ്വദേശി വാഹിദ് (39 )നെ തലക്കും മുഖത്തിനും സാരമായ പരുക്കേറ്റു. ഇദ്ദേഹത്തെ കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു.മല്സ്യ കച്ചവടക്കാരനായ വാഹിദ് മല്സ്യം എടുക്കുവാനായി വളഞ്ഞവട്ടത്തുനിന്നും കോട്ടയം ഭാഗത്തേക്ക് പോകവേയായിരുന്നു അപകടം.ബൈപാസ് റോഡില് മൈത്രീനഗറിന് സമീപം വെളുപ്പിന് 2 മണിക്ക് ഉണ്ടായ അപകടത്തില് കാര് യാത്രികന് പരുക്കേറ്റു.റോഡിന്റെ കൈവരികള് തകര്ത്ത് ആറടി താഴ്ചയിലേക്ക് മറിഞ്ഞു തലകീഴായിക്കിടന്ന കാറില് നിന്നും യാത്രികന് അത്ഭുതകരമായി രക്ഷപ്പെട്ടു.തിരുവല്ലയിലെ സ്വകാര്യ ആശുപത്രിയില് ജോലിചെയ്യുന്ന ഡോക്ടര് ഡ്യൂട്ടി കഴിഞ്ഞ് വീട്ടിലേക്ക് പോകുമ്പോഴാണ്അപകടം.
പ്രതികരിക്കാൻ ഇവിടെ എഴുതുക: