കോട്ടയം: കര്ക്കടക വാവ് ദിനത്തില് വിവിധ സ്നാന ഘട്ടങ്ങളില് പിതൃദര്പ്പണം ചെയ്ത് പതിനായിരങ്ങള്. ദക്ഷിണ അയോദ്ധ്യ വെന്നിമല ശ്രീരാമലക്ഷ്മണ സ്വാമി ക്ഷേത്രത്തില് പുലര്ച്ചെ നാല് മുതല് ശ്രീരാമ തീര്ത്ഥഘട്ടത്തില് പിതൃതര്പ്പണവും 4.30 മുതല് ക്ഷേത്ര ദര്ശനവും ആരംഭിച്ചു. ക്ഷേത്രത്തില് വിപുലമായ സൗകര്യങ്ങളാണ് ഒരുക്കിയിരുന്നത്.
കെഎസ്ആര്ടിസി പ്രത്യേക ബസ് സര്വ്വീസ് നടത്തി. ഭക്തജനങ്ങള്ക്ക് സഹായവുമായി സേവാഭാരതി, വിഎച്ച്പി, സ്ഥാനീയ സമിതി പ്രവര്ത്തകര് സജീവമായി. നിവേദ്യ പ്രസാദകങ്ങളായ അരവണ, അപ്പം, തൃമധുരം എന്നിവ വിതരണത്തിനും തിലഹോമം, പിതൃപൂജ, നമസ്കാരം മുതലായ വഴിപാടുകള്ക്ക് പ്രത്യേക ക്രമീകരണം ഏര്പ്പെടുത്തിയിരുന്നു.
കോടിമത ശ്രീധര്മ്മശാസ്താ ക്ഷേത്രത്തിന്റെയും വിശ്വഹിന്ദു പരിഷത്തിന്റെയും ആഭിമുഖ്യത്തില് കോട്ടയം വെസ്റ്റ് പോലീസ് സ്റ്റേഷനു സമീപമുള്ള കോടിമത കടവില് പി.ആര്. ദീപക്, അയ്മനത്തിന്റെ മുഖ്യകാര്മ്മികത്വത്തില് പിതൃതര്പ്പണം നടന്നു.
തിരുനക്കര പുതിയ തൃക്കോവില് മഹാവിഷ്ണു ക്ഷേത്രത്തില് പുലര്ച്ചെ നാലിന് ബലി കര്മ്മങ്ങള് ആരംഭിച്ചു. രാവിലെ ഭക്തജനങ്ങള്ക്കായി പ്രഭാതഭക്ഷണവും വാവുബലി ഊട്ടും ഉണ്ടായിരിന്നു. ഉണക്കചോറ്, ഇഞ്ചതൈര്, കോവയ്ക്ക മെഴുക്കുവരട്ടി, പച്ചപുളുശേരി, ഗോതമ്പ് പായസം എന്നിവയോടെയാണ് വാവുബലി ഊട്ട് നടന്നത്. മഹാതിലഹോമം, സുകൃത ഹോമം, സായൂജ്യപൂജ, കാല്കഴുകിച്ചൂട്ട് എന്നീ ചടങ്ങുകളും നടന്നു. മാലം താമരശേരി ഇല്ലത്ത് മനോജ് കുമാര് നാരായണശര്മ്മയുടെ നേതൃത്വത്തല് 12 പേരാണ് ബലി തര്പ്പണക്കിന് കാര്മ്മികരായത്. തിരുനക്കര മഹാദേവക്ഷേത്ര മൈതാനം, സ്വാമിയാര് മഠം, ചിറയില് പാടം എന്നിവടങ്ങളില് വാഹന പാര്ക്കിംഗ് സൗകര്യവും ഒരുക്കിയിരുന്നു.
വേദഗിരി ദക്ഷിണകാശി ശ്രീധര്മ്മശാസ്താക്ഷേത്രത്തില് ബലിതര്പ്പണം നടന്നു. പുലര്ച്ചെ മൂന്നു മുതല് തീര്ത്ഥച്ചിറയില് വാവ്ബലി ആരംഭിച്ചു. മഹാഗണപതി ഹോമം, മഹാപ്രസാദഊട്ട്, തിലഹവന മഹാപിതൃയജ്ഞം, സ്വാമി ആനന്ദ തീര്ത്ഥപാദരുടെ പ്രഭാഷണം എന്നിവ നടന്നു.
കൂരോപ്പട: മാടപ്പാട് ശ്രീഭഗവതി ക്ഷേത്ര കടവില് ബലിതര്പ്പണം നടന്നു. തിലഹവനം, സായൂജ്യപൂജ എന്നിവയ്ക്ക് കീഴക്കില്ലത്ത് ഹരികൃഷ്ണന് നമ്പൂതിരി മുഖ്യകാര്മ്മികത്വം വഹിച്ചു.
കടുത്തുരുത്തി: തിരുവമ്പാടി എസ്എന്ഡിപി ശാഖയുടെ നേത്യത്വത്തില് ബലിതര്പ്പണം നടന്നു. വൈക്കം സുരേഷ് ശാന്തി മുഖ്യകാര്മ്മികത്വം വഹിച്ചു.
കൊടുങ്ങൂര്: മേജര് കൊടുങ്ങൂര് ദേവീക്ഷേത്രത്തില് പുലര്ച്ചെ നാലു മുതല് ക്ഷേത്രച്ചിറയില് പ്രത്യേകം തയ്യാറാക്കിയ സ്റ്റാനഘട്ടില് പിതൃതര്പ്പണം നടത്തി. തൊടിയൂര് ചെറുവള്ളി ഇല്ലം ഉണ്ണികൃഷ്ണന് നമ്പൂതിരി മുഖ്യകാര്മികത്വം വഹിച്ചു. വാവുബലിയോട് അനുബന്ധിച്ച് ക്ഷേത്രത്തില് പ്രത്യേകം പൂജകളും നടന്നു.
കടപ്പാട്ടൂര്: കടപ്പാട്ടൂര് മഹാദേവക്ഷേത്ര സ്നാനഘട്ടത്തില് ബലിതര്പ്പണത്തിന് കീച്ചേരി ഇല്ലം നാരായണന് നമ്പൂതിരി കാര്മ്മികത്വം വഹിച്ചു. സ്ത്രീകള്ക്കും പുരുഷന്മാര്ക്കും പ്രത്യേകം പന്തലുകള് തയാറാക്കിയിരുന്നു. മേല്ശാന്തി ബിജു വിഷ്ണു നാരായണന് നമ്പൂതിരിയുടെ മുഖ്യ കാര്മ്മികത്വത്തില് വിശേഷാല് വിഷ്ണു പൂജകള് നടന്നു.
ഇടപ്പാടി: ആനന്ദ ഷണ്മുഖ ക്ഷേത്രത്തില് രാവിലെ 5.30ന് മേല്ശാന്തി സനീഷ് ശാന്തിയുടെ കാര്മ്മികത്വത്തില് ബലിതര്പ്പണം, തിലഹവനം, ഗണപതിഹോമം, പിതൃനമസ്ക്കാരം എന്നിവ നടന്നു.
കെഴുവംകുളം: ആലുതറപ്പാറ ശ്രീധര്മ്മശാസ്താക്ഷേത്രക്കടവില് മേല്ശാന്തി സുരേഷ് ശര്മ്മ മുഖ്യ കാര്മ്മികത്വത്തിലും എസ്എന്ഡിപി ശാഖായോഗം ഗുരുദേവക്ഷേത്രത്തില് മഹേശ്വരന് പമ്പാവാലിയുടെ കാര്മ്മികത്വത്തിലും വാവുബലി ചടങ്ങുകള് നടന്നു.
വാഴൂര്: വാഴൂര് വെട്ടിക്കാട്ട് ധര്മ്മശാസ്താ ക്ഷേത്രത്തില് ഉപദേശക സമിതിയുടെ നേതൃത്വത്തില് ബലിതര്പ്പണവും ക്ഷേത്രത്തില് നമസ്കാരവും, മോക്ഷ പ്രാപ്തി പൂജയും നടത്തി.
പാമ്പാടി: ചെറുവള്ളിക്കാവ് ദേവീക്ഷേത്രത്തില് കര്ക്കടക വാവ് പൂജയും ബലിതര്പ്പണവും നടന്നു.
കാഞ്ഞിരപ്പള്ളി: എസ്എന്ഡിപി യോഗം 55-ാം നമ്പര് കാഞ്ഞിരപ്പള്ളി ശാഖയുടെ നേതൃത്വത്തില് പൈക സന്ദീപ് ശാന്തികളുടെ നേതൃത്വത്തില് ശാഖാ അങ്കണത്തില് ബലി തര്പ്പണം നടന്നു.
രാമപുരം: പള്ളിയാമ്പുറം ശ്രീമഹാദേവ ക്ഷേത്രത്തില് ബലിതര്പ്പണം മേല്ശാന്തി പത്മനാഭന് നമ്പൂതിരി പെരുമനയില്ലത്തിന്റെ മുഖ്യകാര്മ്മികത്വത്തില് നടന്നു.
പാലപ്ര: തൃപ്പലപ്ര ഭഗവതിക്ഷേത്രത്തില് മേല്ശാന്തി കെ.എസ് ബാലചന്ദ്രന് നമ്പൂതിരി കാര്മ്മികത്വത്തില് ബലിതര്പ്പണവും വിശേഷാല് പൂജകളും നടന്നു.
പൊന്കുന്നം: വിശ്വഹിന്ദു പരിഷത്ത് തീര്ത്ഥപാദപുരം പ്രഖണ്ഡിന്റെ ആഭിമുഖ്യത്തില് എരുമേലി ക്ഷേത്രക്കടവില് ബലി തര്പ്പണം എന്.എം ബിനു, കെ.കെ. രാധാകൃഷ്ണന് എന്നിവരുടെ കാര്മ്മികത്വത്തില് നടന്നു.
എലിക്കുളം: എസ്എന്ഡിപി 45-ാം നമ്പര് ശ്രീനാരയണക്ഷേത്രം ആളുറുമ്പില് ബലി തര്പ്പണത്തിന് മേല്ശാന്തി രാജീവ് ശാന്തി മുഖ്യകാര്മ്മികത്വം വഹിച്ചു.
മറിയപ്പള്ളി: മുട്ടം ശ്രീരക്തേശ്വരി ക്ഷേത്രത്തില് കര്ക്കടവാവ് പൂജ ക്ഷേത്രം മേല്ശാന്തി കൈതയില് ഉണ്ണികൃഷ്ണന് നമ്പൂതിരിയുടെ മുഖ്യകാര്മ്മികത്വത്തില് നടന്നു.
കടുത്തുരുത്തി: ഓമല്ലൂര് വാണിയങ്കാവ് ദേവീ ക്ഷേത്രം, എസ്എന്ഡിപി 123-ാം നമ്പര് ശാഖയിലും ബലിതര്പ്പണം നടന്നു.
കറുകച്ചാല്: മണിമല ധര്മ്മശാസ്ത്രാ ക്ഷേത്രത്തില് പിതൃതര്പ്പണത്തിന് മേല് ശാന്തി ദാമോദരന് നമ്പൂതിരി മുഖ്യ കാര്മ്മികത്വം വഹിച്ചു.
ഭരണങ്ങാനം: ശ്രീകൃഷ്ണസ്വാമി ക്ഷേത്രത്തില് ക്ഷേത്രക്കടവില് കര്ക്കടകവാവു ബലിതര്പ്പണത്തിന് അനൂപ് ഇടമറ്റം കാര്മ്മികത്വം വഹിച്ചു.
കുറവിലങ്ങാട്: കാളികാവ് ശ്രീബാല സുബ്രഹ്മണ്യ സ്വാമിദേവസ്വം ക്ഷേത്രത്തില് റ്റി.കെ. സന്ദീപ് ശാന്തികളുടെ നേതൃത്വത്തില് വാവുബലി തര്പ്പണവും വിശേഷാല് പൂജകളും നടന്നു.
പാലാ: ളാലം മഹാദേവക്ഷേത്രക്കടവില് ബലിതര്പ്പണം, തിലഹവനം, നമസ്ക്കാരം എന്നീ വഴിപാടുകള് നടന്നു.
ചിറക്കടവ്: മണക്കാട്ട് ശ്രീഭദ്രാക്ഷേത്രത്തില് പുലര്ച്ചെ മുതല് പിതൃതര്പ്പണ ചടങ്ങുകള് നടന്നു.
മള്ളൂശ്ശേരി: അഖില കേരള ചേരമര് ഹിന്ദുമഹാസഭ മള്ളൂശ്ശേരി 776-#ാ#ം നമ്പര് ശാഖയുടെ നേതൃത്വത്തില് ബലിതര്പ്പണം ശാഖാ ശ്മശാനത്തില് വി.കെ. ഗോപാലന്റെ നേതൃത്വത്തില് നടന്നു.
പ്രതികരിക്കാൻ ഇവിടെ എഴുതുക: