മുംബൈ: മലയാളിയായ പ്രതിരോധനിരക്കാന് അനസ് എടത്തോടിക ഇന്ത്യന് സൂപ്പര് ലീഗില് പുതിയ ടീമായ ജംഷഡ്പൂര് എഫ്സിക്കായി കളിക്കും. ഐപിഎല് താരലേലത്തില് ഏറ്റവും ഉയര്ന്ന തുകയായ ഒരുകോടി പത്ത് ലക്ഷം രൂപയ്ക്കാണ് അനസിനെ ജംഷഡ്പൂര് സ്വന്തമാക്കിയത്. കേരള ബ്ലാസ്റ്റേഴ്സ് നോട്ടമിട്ടിരുന്ന കളിക്കാരനാണ് അനസ്. ആദ്യ ലേലം വിളിക്ക് അവസരം കിട്ടിയത് ജംഷഡ്പൂറിനായിരുന്നു. മലയാളിയായ റിനോ ആന്റോ, മധ്യ നിരക്കാരന് അരാത്ത ഇസുമി, ജാക്കിചന്ദ് സിങ്ങ് എന്നിവരെ ബ്ലാസ്റ്റേഴ്സ് സ്വന്തമാക്കി.റിനോ ആന്റോയെ 63 ലക്ഷത്തിനാണ് കേരള ബ്ലാസ്റ്റേഴ്സ് നേടിയത്.
മധ്യനിരയിലെ മറ്റൊരു കരുത്തനായ യൂജിനിസണ് ലിങ്ങ്ദോയെ രണ്ടുതവണ ചാമ്പ്യന്മാരായ അത്ലറ്റിക്കോ ഡി കൊല്ക്കത്ത ഒരു കോടി പത്ത് ലക്ഷം രൂപയ്ക്ക് കരസ്ഥമാക്കി.
ഗോള് കീപ്പര് സുബ്രതാ പോളിനെ 87 ലക്ഷത്തിന് ജംഷഡ്പൂരും വലതു വിങ്ങ് ബാക്ക് പ്രീതം കോട്ടലിനെ 75 ലക്ഷത്തിന് ഡെല്ഹി ഡൈനാമോസും നേടി.ലിങ്ങ്ദോയ്ക്കായിരുന്നു പ്രഥമ പരിഗണന.ഗോളടിക്കുന്ന കളിക്കാരനാണ്. ടീമിന് മുതല്ക്കൂട്ടാകുമെന്നും അത്ലറ്റിക്കോ ഡി കൊല്ക്കത്തയുടെ കോച്ച് ടെഡി ഷെറിങ്ങാം പത്രക്കാരോട് പറഞ്ഞു.
വിജയിക്കുന്ന ശൈലിയാണ് ഐപിഎല്ലില് സ്വീകരിക്കുകയെന്നും ചോദ്യത്തിന് മുറപടിയായി ഷെറിങ്ങാം വെളിപ്പെടുത്തി.ഇന്ത്യന് കളിക്കാരെ തെരഞ്ഞെടുക്കുന്നതിനാണ് മുന്ഗണന. വിദേശ കളിക്കാരെ തെരഞ്ഞെടുക്കുന്നതിന് ഉടന് തന്നെ തീരുമാനമെടുക്കുമെന്ന് ജംഷഡ്പൂര് എഫ്സി കോച്ച് സ്റ്റീവ് കോപ്പല് പറഞ്ഞു.സ്ട്രൈക്കര് ബല്വന്ത് സിങ്ങിനെ (65 ലക്ഷം)യും ഗോള് കീപ്പര് അരിന്ദാം ഭട്ടാചര്യയെയും (64 ലക്ഷം) മുംബൈ എഫ്സി തെരഞ്ഞെടുത്തു.
പ്രണോയ് ഹള്ഡറെ (58 ലക്ഷം) യും നാരായണ് ദാസിനെയും (58 ലക്ഷം) ഗോവ എഫ്സിയും തോയ് സിങ്ങിനെ (57 ലക്ഷം) ചെന്നൈയ്യന് എഫ്സിയും ലേലത്തില് പിടിച്ചു.
ഹീറോ മോട്ടോകോര്പ്പ് അടുത്ത മൂന്ന് വര്ഷത്തേയക്ക് കൂടി ഐഎസ്എല് സ്പോണ്സര് ചെയ്യും. 160 കോടി രൂപയ്ക്കാണ് സ്പോര്ണര്ഷിപ്പ് പുതുക്കിയതെന്ന് ഐഎസ്എല് സ്ഥാപക ചെയര്പേഴ്സണ് നിതാ അംബാനി അറിയിച്ചു.ഐഎസ്എല് നാലാം സീസണ് നവംബര് 17 ന് ആരംഭിക്കും. ഇത്തവണ രണ്ടു പുതിയ ടീമുകള് കൂടി പങ്കെടുക്കുന്നുണ്ട്. മൊത്തം 95 മത്സരങ്ങള് ഉണ്ടാകും.
കേരളബ്ലാസ്റ്റേഴ്സ് സ്വന്തമാക്കിയ താരങ്ങള്: ഗോള് കീപ്പര്: സുഭാഷ് ചൗധരി ( 37 ലക്ഷം), പ്രതിരോധനിരക്കാര്: റിനോ ആന്റോ (63 ലക്ഷം), ലാല്റ്വാതാര (25 ലക്ഷം), ലാല്താക്കി (10 ലക്ഷം), പ്രീതം കുമാര് സിങ്ങ്. സാമുവല് ശതബ് (10 ലക്ഷം)
മധ്യനിരക്കാര്: മിലാന് സിങ്ങ് (45 ലക്ഷം), അരാത്ത ഇസൂമി (40 ലക്ഷം), ജാക്കി ചന്ദ് സിങ്ങ് (55 ലക്ഷം), സിയാം ഹങ്കല് (31 ലക്ഷം), ലോകന് മീട്ടെ (ആറു ലക്ഷം) അജിത് ശിവന്(ആറു ലക്ഷം). മുന്നേറ്റ നിരക്കാരന്: കരന് സാഹ്നി (എട്ടുലക്ഷം)
പ്രതികരിക്കാൻ ഇവിടെ എഴുതുക: