കോഴിക്കോട്: സംസ്ഥാനത്ത് ആയിരക്കണക്കിന് കുടുംബങ്ങള് ഭൂ രഹിതരായി കഴിയുമ്പോള് ബിലീവേഴ്സ് ചര്ച്ചിനനുകൂലമായി ചെറുവള്ളി എസ്റ്റേറ്റ് ഭൂമി വിമാനത്താവളത്തിന് സര്ക്കാര് വില കൊടുത്തുവാങ്ങിക്കുന്ന അഴിമതിക്കെതിരെ പ്രക്ഷോഭം സംഘടിപ്പിക്കുമെന്ന് ജനാധിപത്യ രാഷ്ട്രീയ സഭ.
പാട്ടക്കാലാവധിക്ക് ശേഷം സര്ക്കാരിലേക്ക് കണ്ടുകെട്ടേണ്ട ഭൂമി കൈവശം വച്ചിരിക്കുന്ന എസ്റ്റേറ്റ് മാഫിയകളില് നിന്ന് പട്ടികജാതികാര്ക്കും ആദിവാസികള്ക്കും തോട്ടം തൊഴിലാളികള്ക്കുമായി പതിച്ചു നല്കണം. രാജമാണിക്യം റിപ്പോര്ട്ടില് പറയുന്ന അഞ്ചു ലക്ഷം ഹെക്ടര് ഭൂമി ഉള്പ്പെടുന്നതാണ് 2,263 ഏക്കറിലുള്ള ചെറുവള്ളി എസ്റ്റേറ്റ്. ശബരിമല വിമാനത്താവളത്തിന് വേണ്ടി പണം നല്കി ഏറ്റെടുക്കുന്നത് ഇടത് സര്ക്കാരിന്റെ അഴിമതിയാണ്.
ആഗസ്റ്റ് 14ന് തിരുവനന്തപുരത്ത് ഭൂസമര പ്രഖ്യാപന കണ്വെന്ഷന് നടക്കും. കുടില് കെട്ടി സമരമടക്കമുള്ള സമര മാര്ഗങ്ങള് ആവിഷ്കരിക്കുമെന്നും ആക്ടിങ് ചെയര്മാന് ഇ.പി. കുമാരദാസ്, ജനറല് സെക്രട്ടറി തെക്കന് സുനില്കുമാര് എന്നിവര് പറഞ്ഞു.
പ്രതികരിക്കാൻ ഇവിടെ എഴുതുക: