കൊച്ചി: സ്റ്റീവ് കൊപ്പലിനുപകരം കേരള ബ്ലാസ്റ്റേഴ്സിന്റെ പരിശീലകനായി ചുമതലയേറ്റശേഷം ആദ്യമായി കൊച്ചിയിലെത്തിയ മുഖ്യപരിശീലകന് റെനി മ്യൂലന്സ്റ്റീനിന് ആരാധകരുടെ വമ്പന് സ്വീകരണം. ഇന്നലെ വൈകിട്ട് 6.30നാണ് മ്യൂലന്സ്റ്റീന് നെടുമ്പാശ്ശേരി വിമാനത്താവളത്തിലെത്തിയത്.
സ്വാഗതഗാനം ആലപിച്ചും അഭിവാദ്യമര്പ്പിച്ചുള്ള ബാനറുയര്ത്തിയുമായിരുന്നു ആരാധകര് പുതിയ കോച്ചിനെ സ്വീകരിച്ചത്. ‘സ്വീകരണത്തില് ഏറെ സന്തോഷമുണ്ടെന്നും ടീമിന് ഇത്രയധികം ആരാധകരുള്ളതില് അഭിമാനം തോന്നുന്നുവെന്നും’ മ്യൂലന്സ്റ്റീന് പ്രതികരിച്ചു. ടീമില് ഇത്തവണ മികച്ച താരങ്ങളാണുള്ളതെന്നും അവരും താനും ചേര്ന്ന് നാലാം സീസണ് ഐഎസ്എല്ലില് ആരാധകര്ക്ക് അഭിമാനിക്കാനുള്ള വക നല്കുമെന്നും കോച്ച് കൂട്ടിച്ചേര്ത്തു.
മുംബൈയില് കഴിഞ്ഞ ദിവസം നടന്ന താരലേലത്തിനുശേഷമാണ് മ്യൂലന്സ്റ്റീന് ഇന്നലെ കൊച്ചിയിലെത്തിയത്. ബ്ലാസ്റ്റേഴ്സിന്റെ ഹോം ഗ്രൗണ്ടായ കലൂര് ജവഹര്ലാല് നെഹ്റു സ്റ്റേഡിയം ഇന്ന് മ്യൂലന്സ്റ്റീന് സന്ദര്ശിച്ചേക്കും.
ഒക്ടോബറില് നടക്കുന്ന അണ്ടര്-17 ലോകകപ്പിനായി നവീകരണ പ്രവര്ത്തനങ്ങളിലാണ് സ്റ്റേഡിയം. ഇന്ന് വൈകീട്ട് മൂന്നിന് മാധ്യമ പ്രവര്ത്തകരെയും കോച്ച് കാണുന്നുണ്ട്. മുന് മാഞ്ചസ്റ്റര് യുണൈറ്റഡ് പരിശീലകന് സര് അലക്സ് ഫെര്ഗൂസന്റെ അസിസ്റ്റന്റും യൂത്ത് ടീം പരിശീലകനുമായിരുന്നു മ്യൂലന്സ്റ്റീന്.
പ്രതികരിക്കാൻ ഇവിടെ എഴുതുക: