കണ്ണൂര്: മട്ടന്നൂര് നഗരസഭയിലെ 35 വാര്ഡുകളില് ആഗസ്റ്റ് 8 ന് നടക്കുന്ന പൊതുതെരഞ്ഞെടുപ്പില് അഴിമതികള്, കുറ്റകൃത്യങ്ങള് എന്നിവ തടയുന്നതിനായി നടപടികള് കൈക്കൊള്ളുന്നതിന് ജില്ലാ പോലീസ് മേധാവിക്കും ജില്ലാ ഭരണകൂടത്തിനും തെരഞ്ഞെടുപ്പ് കമ്മീഷന് നിര്ദേശം നല്കി. മതമോ വംശമോ ജാതിയോ സമുദായമോ ഭാഷയോ ആധാരമാക്കി പൗരന്മാര് തമ്മില് ശത്രുതാപരമായ വികാരങ്ങളോ വെറുപ്പോ സൃഷ്ടിക്കല്, ഏതെങ്കിലും സ്ഥാനാര്ത്ഥിക്ക് വോട്ട് ചെയ്യുന്നത് ദൈവീകമായി അപ്രീതിക്ക് ഇടയാക്കുമെന്ന തരത്തില് ഭീഷണിപ്പെടുത്തല്, മറ്റേതെങ്കിലും തരത്തില് വോട്ടര്മാരെ സ്വാധീനിക്കല്, കള്ളവോട്ട് എന്നിവ കണ്ടെത്തിയാല് കര്ശന നടപടിയെടുക്കാനാണ് നിര്ദേശം.
തെരഞ്ഞെടുപ്പ് ജോലിക്കായി നിയോഗിക്കപ്പെട്ട ഉദ്യോഗസ്ഥര് സ്ഥാനാര്ത്ഥിക്ക് വേണ്ടി പ്രവര്ത്തിച്ച് വോട്ടറെ സ്വാധീനിക്കാന് ശ്രമിക്കുക, വോട്ടര്ക്ക് ശല്യമാകുന്ന തരത്തില് ക്രമരഹിതമായി പെരുമാറുക, പോളിംഗ് സ്റ്റേഷന്റെ നൂറ് കിലോമീറ്റര് പരിധിയില് തെരഞ്ഞെടുപ്പ് പ്രചരണം നടത്തുക, നോട്ടീസോ തെരഞ്ഞടുപ്പ് ചിഹ്നങ്ങളോ പ്രദര്ശിപ്പിക്കുക തുടങ്ങി നടപടികള് ശ്രദ്ധയില്പെട്ടാലും ബന്ധപ്പെട്ട വരണാധികാരി വിവരം പോലീസ് അധികാരികളെ അറിയിക്കണമെന്നും കുറ്റക്കാര്ക്കെതിരെ കര്ശന നടപടിയെടുക്കാമെന്നും ഉത്തരവിലുണ്ട്.
പ്രതികരിക്കാൻ ഇവിടെ എഴുതുക: