തലശ്ശേരി: നാലുനാള് നീളുന്ന അറ്റകുറ്റപ്പണികള്ക്കായി കൊടുവള്ളി റെയില്വെ ഗേറ്റ് അടച്ചു. ഇന്നലെ രാവിലെ അടച്ചുപൂട്ടി ഗേറ്റ് ഇനി 28ന് വൈകിട്ട് 5ന് മാത്രമെ തുറക്കൂ. അതേവരെ ഈ വഴിയുള്ള വാഹന ഗതാഗതം പൂര്ണ്ണമായും തടസ്സപ്പെടും. കണ്ണൂര് തലശ്ശേരി ദേശീയപാതയില് കൊടുവള്ളി ജംഗ്ഷനില് അഞ്ചരക്കണ്ടി–മമ്പറം റോഡിന് കുറുകെയാണ് റെയില്വെ ഗേറ്റുള്ളത്. ചെറുതും വലുതുമായ ആയിരക്കണക്കിന് വാഹനങ്ങളാണ് ഇതുവഴി ഇരുവശത്തേക്കും കടന്നുപോവുന്നത്. ദീര്ഘദിവസങ്ങളിലേക്ക് ഗേറ്റ് അടച്ചിട്ടതോടെ ബസുകള് ഉള്പ്പെടെയുള്ള വാഹനങ്ങളെ പാലയാട്, അണ്ടലൂര് കുന്നത്ത് വഴിയും കുയ്യാലി കൊളശ്ശേരി വഴിയുമാണ് തിരിച്ചുവിടുന്നത്. ഇതോടെ ഈ റൂട്ടിലും ഇടക്കിടെ ഗതാഗത തടസ്സം അനുഭവപ്പെട്ടുതുടങ്ങിയിട്ടുണ്ട്. കുയ്യാലി റെയില്വെ ഗേറ്റ് അടയുമ്പോള് വാഹനങ്ങളുടെ നീണ്ട നിര ഇടത്ത് വീനസ് വരെയും വലത് ഭാഗത്ത് സംഗമം ജംഗ്ഷന്വരെയും നീളുകയാണ്. കൊടുവള്ളി റെയില്വെ ഗേറ്റിലൂടെ നിത്യേന മുപ്പതോളം തീവണ്ടികളും ചരക്ക് ലോറികള് ഉള്പ്പെടെ ആയിരക്കണക്കിന് മറ്റുവാഹനങ്ങളും ഇടതൊടവില്ലാതെ കടന്നു പാവുന്നതിനാല് തെയ്മാനവും ബലക്ഷയവും വന്നതിനെ തുടര്ന്നാണ് ഗേറ്റിലെ പാളങ്ങള് മാറ്റുന്നത്. തൊഴിലാളികളോടൊപ്പം യന്ത്രങ്ങളുടെ സഹായം ഉപയോഗിച്ച് യുദ്ധകാല അടിസ്ഥാനത്തിലാണ് ഗേറ്റിന്റെയും പാളങ്ങളുടെയും അറ്റകുറ്റപ്പണി നടത്തുന്നത്.
പ്രതികരിക്കാൻ ഇവിടെ എഴുതുക: