പയ്യന്നൂര്: ശ്രീകൃഷ്ണ ജയന്തി ബാലദിനാഘോഷത്തിന്റെ ഭാഗമായി കൈതപ്രം പാഞ്ചജന്യം ബാലഗോകുലം സ്കൂള് വിദ്യാര്ത്ഥികള്ക്കായി കണ്ണൂര് ജില്ലാതല പ്രബന്ധരചനാ മത്സരം സംഘടിപ്പിക്കുന്നു. വിഷയം സുരക്ഷിത ബാല്യം, സുകൃത ഭാരതം. പത്താംതരം വരെയുള്ള കുട്ടികള്ക്ക് പങ്കെടുക്കാം. 5 ഫുള്സ്കാപ്പ് സൈസില് കൂടാത്ത രചനകള് പേര്, വിലാസം, പഠിക്കുന്ന ക്ലാസ്, ഫോണ് നമ്പര് സഹിതം ആഗസ്ത് 31ന് മുന്പായി എ.കെ.നാരായണന് മാസ്റ്റര്, നവനീത് കൃഷ്ണ, കൈതപ്രം, മാതമംഗലം പി.ഒ, കണ്ണൂര് എന്ന വിലാസത്തില് അയക്കണം.
ബോധവല്ക്കരണ ക്ലാസ് നടത്തി
കോളയാട്: കേരള സ്റ്റേറ്റ് സര്വ്വീസ് പെന്ഷനേഴ്സ് യൂണിയന് കോളയാട് യൂണിറ്റ് പ്രവര്ത്തക കണവെന്ഷനും ആരോഗ്യ ബോധവല്ക്കരണ ക്ലാസും നടത്തി. കോളയാട് ഗ്രാമപഞ്ചായത്ത് ഹാളില് നടന്ന പരിപാടിയില് പി.വി.ഗംഗാധരന് അധ്യക്ഷത വഹിച്ചു. എസ്എസ്എല്സി, പ്ലസ്ടു പരീക്ഷകളില് ഉന്നത വിജയം നേടിയ വിദ്യാര്ത്തികള്ക്ക് വി.കെ.എന്.കാഞ്ഞിലേറി ഉപഹാരം നല്കി. ഡോക്ടര് കെ.കെ.രാജാറം ആരോഗ്യ ക്ലാസ് നയിച്ചു. കെ.കെ.ജോസഫ്, പി.വി.ചാത്തുക്കുട്ടി, പി.കെ.ബാലന് മാസ്റ്റര്, കെ.ഇ.സ്മയില് മാസ്റ്റര്, എം.എസ്.സതി എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: