അങ്കമാലി: യുവനടിയെ ആക്രമിച്ച കേസിലെ കോടതി നടപടികൾ രഹസ്യമാക്കി. കേസിന്റെ നടപടികളിൽ രഹസ്യസ്വഭാവം കാത്തുസൂക്ഷിക്കണമെന്ന പ്രോസിക്യൂഷൻ വാദം പരിഗണിച്ചാണ് അങ്കമാലി മജിസ്ട്രേറ്റ് കോടതി ഉത്തരവ്.
കേസിലെ മുഖ്യപ്രതി പള്സര് സുനിയുടെ ജാമ്യാപേക്ഷ പരിഗണിക്കുന്നതിനിടെയാണു കോടതി ഇക്കാര്യത്തില് തീരുമാനമറിയിച്ചത്. കേസിൽ ആക്രമിക്കപ്പെട്ട നടിയുടെ അടക്കമുള്ള മൊഴികൾ കോടതിയിൽ പരാമർശിക്കേണ്ടിവരും. അതിനാൽ കേസിന്റെ രഹസ്യസ്വഭാവം കാത്തുസൂക്ഷിക്കണമെന്നും പ്രോസിക്യൂഷൻ കോടതിയോട് ആവശ്യപ്പെട്ടിരുന്നു. പ്രോസിക്യൂഷന്റെ ആവശ്യം അംഗീകരിച്ച കോടതി മാധ്യമപ്രവര്ത്തകരെയും മറ്റ് അഭിഭാഷകരെയും പുറത്താക്കിയാണു നടപടികള് തുടര്ന്നത്.
നടി മജിസ്ട്രേട്ട് മുന്പാകെ നല്കിയ രഹസ്യമൊഴി പ്രതിഭാഗത്തിനു നല്കരുതെന്നും രഹസ്യസ്വഭാവമുള്ള രേഖകള് പുറത്തുവരുന്നതു ഗുരുതരപ്രശ്നങ്ങള് ഉണ്ടാക്കുമെന്നും പ്രോസിക്യൂഷന് വാദിച്ചു. ആക്രമണത്തിനിരയായ നടിയുടെ അഭിമാനവും സുരക്ഷയും സര്ക്കാരിന്റെ ചുമതലയാണ്. ആ സാമൂഹിക ഉത്തരവാദിത്തം പ്രോസിക്യൂഷനുണ്ടെന്ന് സ്പെഷല് പ്രോസിക്യൂട്ടര് പറഞ്ഞു.
പ്രതികരിക്കാൻ ഇവിടെ എഴുതുക: