ആലപ്പുഴ: അന്താരാഷ്ട്ര പുസ്തകോത്സവ സമിതിയുടെനേതൃത്വത്തില് എട്ടാമത് ആലപ്പുഴ പുസ്തകോത്സവം ഇന്നുമുതല് ആഗസ്റ്റ് അഞ്ചുവരെ ഐശ്വര്യ ഓഡിറ്റോറിയത്തില് നടക്കും.
80ല്പരം പ്രമുഖ പ്രസാധകര് പങ്കെടുക്കും.് വൈകിട്ട് 5.30ന് കാലടി സംസ്കൃത സര്വ്വകലാശാല മുന് വിസി ഡോ. എം.സി. ദിലീപ് കുമാര് ഉദ്ഘാടനം ചെയ്യും. ഡോ. അമ്പലപ്പുഴ ഗോപകുമാര് അദ്ധ്യക്ഷനാകും. പ്രൊഫ. ടോണി മാത്യു മുഖ്യാതിഥിയാകും.
ദിവസവും സെമിനാറുകളും കലാമത്സരങ്ങളും അരങ്ങേറും. 28ന് വൈകിട്ട് നാടന്പാട്ടുകളും വള്ളംകളി പാട്ടുകളും, 5ന് സെമിനാര്- ആലപ്പുഴയുടെ പെരുമ, 29ന് വൈകിട്ട് മൂന്നിന് ലളിത നാടക സിനിമാ ഗാനങ്ങള്, വൈകിട്ട് അഞ്ചിന് ഇത്തിരി ഒത്തിരി ചിരിനേരം. 30ന് രാവിലെ 10ന് പ്ലസ്ടു വരെയുള്ള കുട്ടികള്ക്ക് ചിത്രരചനാ മത്സരം. 2.30ന് സാഹിത്യസംഗമം. വൈകിട്ട് അഞ്ചിന് സാംസ്കാരിക സംഘടനാ നേതാക്കളെയും എഴുത്തകാരെയും ആദരിക്കും. 31ന് വൈകിട്ട് മൂന്നിന് സെമിനാര്- പരിസരമലിനീകരണവും ആരോഗ്യ പ്രശ്നങ്ങളും.
ആഗസ്റ്റ് ഒന്നിന് നാലിന് സെമിനാര്- സിനിമയും സീരിയലും സമൂഹം ഗൗരവമായി ചര്ച്ച ചെയ്യേണ്ടതുണ്ടോ. രണ്ടിന് വൈകിട്ട് 5ന് പുസ്തകപരിചയം, ആറിന് കാക്കാരശിയും ചവിട്ടുനാടകവും. മൂന്നിന് രാവിലെ 11ന് കഥാ കവിതാ രചനാ മത്സരം. നാലിന് വൈകിട്ട് നാലിന് കവിതാ പാരായണ മത്സരം.
അഞ്ചിന് വൈകിട്ട് 5.30ന് സമാപന സമ്മേളനം മന്ത്രി ജി. സുധാകരന് ഉദ്ഘടനം ചെയ്യുമെന്ന് ജന. സെക്രട്ടറി കെ.ആര്. സുബ്രഹ്മണ്യന്, ബി. സുജാതന്, കെ.പി. രൂപേഷ്കുമാര്, മധുസൂദനന്, ജോസി എന്നിവര് പത്രസമ്മളനത്തില് അറിയിച്ചു.
പ്രതികരിക്കാൻ ഇവിടെ എഴുതുക: