തിരുവനന്തപുരം: തലസ്ഥാനത്തെ പ്രമുഖ കോളേജില് എസ്എഫ്ഐ ഇതര വിദ്യാര്ഥിസംഘടനകള്ക്കും പ്രവര്ത്തന സ്വാതന്ത്ര്യം അനുവദിക്കണമെന്ന് എബിവിപി സംസ്ഥാന ജോയിന്റ് സെക്രട്ടറി കെ. ഷിജില് ആവശ്യപ്പെട്ടു.
യൂണിവേഴ്സിറ്റി, സംസ്കൃത, ആര്ട്സ് കോളേജുകള് കേന്ദ്രീകരിച്ച് വര്ഷങ്ങളായി എസ്എഫ്ഐയുടെ നേതൃത്വത്തില് നടക്കുന്ന അരാഷ്ട്രീയ പ്രവര്ത്തനങ്ങള് അതിരു കടക്കുകയാണ്. എസ്എഫ്ഐ അക്രമങ്ങള്ക്കുവേണ്ടി ആയുധങ്ങള് ശേഖരിക്കുന്നത് ഈ ക്യാമ്പസുകളിലാണ്. ഇവിടങ്ങളിലെ ഇതര വിദ്യാര്ഥിസംഘടനാ പ്രവര്ത്തകരെയും ആശയപരമായി വിയോജിപ്പ് രേഖപ്പെടുത്തുന്നവരെയും എസ്എഫ്ഐ ക്രൂരമായി ആക്രമിക്കുന്നു.
ഇത്തരം ഗുരുതരമായ സാഹചര്യം നിലനില്ക്കുകയും ഭരണകൂടം നിശബ്ദമാകുകയും ചെയ്യുമ്പോള് വിദ്യാര്ത്ഥികളുടെ സംഘടനാസ്വാതന്ത്ര്യത്തിന് എബിവിപി നേതൃത്വം കൊടുക്കുമെന്നും ഷിജില് പറഞ്ഞു.കോളേജുകളില് ജനാധിപത്യം പുനഃസ്ഥാപിക്കാന് എബിവിപി നേതൃത്വം നല്കും. ഈ ക്യാമ്പസുകളില് എബിവിപിയുടെ സംഘടനാപ്രവര്ത്തനത്തിന്റെ ഭാഗമായി യൂണിറ്റ് രൂപീകരിക്കുകയും കൊടി ഉയര്ത്തുകയും ചെയ്യുമെന്നും കെ. ഷിജില് പറഞ്ഞു.
പ്രതികരിക്കാൻ ഇവിടെ എഴുതുക: