ഗാലെ: മുന്നില് നിന്ന് നയിക്കുന്ന നായകന് വിരാട് കോഹ്ലിയുടെയും ഓപ്പണര് അഭിനവ് മുകുന്ദിന്റെയും അര്ധശതകങ്ങളില് റണ്മലയൊരുക്കി ഇന്ത്യ വിജയത്തിന്റെ പടവുകളിലേയ്ക്ക് ചുവടുവയ്ക്കുന്നു. ഒന്നാം ഇന്നിങ്ങ്സിലെ 309 റണ്സ് ലീഡുമായി ഇറങ്ങിയ ഇന്ത്യ മൂന്നാം ദിനത്തില് മൂന്ന് വിക്കറ്റിന് 189 റണ്സിലെത്തി നില്ക്കുന്നു. ഇപ്പോള് 498 റണ്സിന്റെ ലീഡായി.
ശതകത്തിലേയ്ക്ക് കുതിക്കുന്ന കോഹ് ലി 76 റണ്സുമായി ക്രീസിലുണ്ട്.
രണ്ടു ദിവസത്തെ കളിശേഷിക്കെ ഇന്ത്യ വിജയത്തിന്റെ പടിവാതിലേയ്ക്ക് നീങ്ങുകയാണ്. ഒന്നാം ഇന്നിങ്ങ്സില് 291 റണ്സിന് പുറത്തായ ലങ്കന് പടയ്ക്ക് ഇന്ത്യയൊരുക്കുന്ന റണ്മല മറികടക്കാനാകില്ലെന്നുറപ്പാണ്.
ഒന്നാം ഇന്നിങ്ങ്സില് സെഞ്ചുറി കുറിച്ച ശിഖര് ധവാനെയും ചേതേശ്വര് പൂജാരയെയും നിലയുറപ്പിക്കുന്നതിന് മുമ്പ് ശ്രീലങ്ക കൂടാരം കയറ്റി. എന്നാല് കോഹ് ലിയും മുകുന്ദും പൊരുതി നിന്ന് സ്കോര് ഉയര്ത്തി. മൂന്നാം വിക്കറ്റില് ഇവര് 133 റണ്സ് കൂട്ടിചേര്ത്തു. സെഞ്ചുറിയിലേയ്ക്ക് നീങ്ങിയ മുകുന്ദിനെ വിക്കറ്റിന് മുന്നില് കുടുക്കി ഗുണതിലകയാണ് ഈ കൂട്ടുകെട്ട് തകര്ത്തത്.
രണ്ടാം ഇന്നിങ്ങ്സില് ഇന്ത്യയുടെ തുടക്കം പാളി.14 റണ്സെടുത്ത ധവാനെ പെരേരയുടെ പന്തില് ഗുണതിലക പിടികൂടി. പിന്നീടെത്തിയ പൂജാരയും പെട്ടെന്ന് മടങ്ങി.15 റണ്സാണ് സമ്പാദ്യം. കുമാരയുടെ പന്തില് മെന്ഡിസ് ക്യാച്ചെടുത്തു.ശ്രീലങ്കയ്ക്കുവേണ്ടി പെരേര, ഗുണതിലക,കുമാര എന്നിവര് ഓരോ വിക്ക്റ്റ് വീഴ്ത്തി. ഉച്ചഭക്ഷണത്തിനുശേഷം മഴയെതുടര്ന്ന് കുറച്ചുസമയം കളി മുടങ്ങിയിരുന്നു.
നേരത്തെ അഞ്ചിന് 154 റണ്സിന് ഇന്നിങ്ങസ് തുടങ്ങിയ ശ്രീലങ്ക 291 റണ്സിന് ഓള് ഔട്ടായി. കഴിഞ്ഞ ദിവസം പുറത്താകാതെ നിന്ന ഏയ്ഞ്ചലോ മാത്യൂസിന്റെയും പെരേരയുടെയും മികവാര്ന്ന പ്രകടനമാണ് സ്കോര് 291 റണ്സിലെത്തിച്ചത്.അടിച്ചു തകര്ത്ത പെരേര 132 പന്തില് പത്ത് ഫോറും നാലു സിക്സറും പൊക്കി 92 റണ്സുമായി കീഴടങ്ങാതെ നിന്നു. മാത്യൂസ് 130 പന്തില് പതിനൊന്ന് ഫോറും ഒരു സിക്സറുമുള്പ്പെടെ 83 റണ്സ് നേടി. ജഡേജയുടെ പന്തില് കോഹ് ലി പിടിച്ചാണ് മാത്യൂസ് പുറത്തായത്.
ജഡേജ 67 റണ്സിന് മൂന്ന് വിക്കറ്റ് വീഴ്ത്തി. മുഹമ്മദ് ഷമി രണ്ടു വിക്കറ്റ് വീഴ്ത്തിയപ്പോള് യാദവിനും അശ്വിനും പാണ്ഡ്യെയ്ക്കും ഓരോ വിക്കറ്റ് ലഭിച്ചു.
സ്കോര് ബോര്ഡ് : ഇന്ത്യ: ഒന്നാം ഇന്നിങ്ങ്സ് : 600
ശ്രീലങ്ക ഒന്നാം ഇന്നിങ്ങ്സ്: കരുണരത്ന എല്ബിഡബ്ളിയു യാദവ് 2, തരംഗാന റണ് ഔട്ട് 64, ഗുണതിലക സി ധവാന് ബി മുഹമ്മദ് ഷമി 16, ബികെജി മെന്ഡിസ് സി ധവാന് ബി ഷമി 0, എഞ്ചലോ മാത്യൂസ് സി കോഹ് ലി ബി ജഡേജ 83, ഡിക്ക്വെല്ല സി മുകുന്ദ് ബി അശ്വിന് 8, പെരേര നോട്ടൗട്ട് 92, ഹെറാത്ത് സി രഹാനെ ബി ജഡേജ 9, എന്. പ്രദീപ് ബി പാണ്ഡ്യെ 10, കുമാര ബി ജഡേജ 2, എക്സ്ട്രാസ് 5, ആകെ 291.
വിക്കറ്റ് വീഴ്ച: 1-7,2-68, 3-68, 4-125,5- 143, 6-205, 7-241, 8-280, 9-291
ബൗളിങ്ങ്: മുഹമ്മദ് ഷമി 12-2-45-2, യാദവ് 14-1-78-1, അശ്വിന് 27-5-84-1, ജഡേജ 22.3 -3-67- 3, പാണ്ഡ്യെ 3-0-13-1.
ഇന്ത്യ രണ്ടാം ഇന്നിങ്ങ്സ്: എസ്. ധവാന് സി ഗുണതിലക ബി പെരേര14, എം.മുകുന്ദ് എല്ബിഡബ്ളിയു ഗുണതിലക 81, പൂജാര സി മെന്ഡിസ് ബി കുമാര 15, വി. കോഹ് ലി നോട്ടൗട്ട് 76, എക്സ്ട്രാസ് 3 , ആകെ മൂന്ന് വിക്കറ്റിന് 189.
വിക്കറ്റ് വീഴ്ച:1-19, 2-56, 3-189
ബൗളിങ്ങ്: എന്. പ്രദീപ് 10-2-44-0, പെരേര 12-0-42-1, കുമാര 11-1-53-1, ഹെറാത്ത് 9-0-34-0, ഗുണതിലക 4.3-0-15-1.
പ്രതികരിക്കാൻ ഇവിടെ എഴുതുക: