കൊച്ചി: നടിയെ ആക്രമിച്ച കേസിലെ പ്രതി പള്സര് സുനി നടി കാവ്യാ മാധവന്റെ ഡ്രൈവര് ആയിരുന്നോ എന്നതിനെക്കുറിച്ച് പോലീസ് അന്വേഷണം തുടങ്ങി. സുനില് കുമാര് രണ്ടു മാസം കാവ്യയുടെ ഡ്രൈവറായി ജോലിചെയ്തിരുന്നുവെന്നാണ് പോലിസിന് സൂചന ലഭിച്ചിരുന്നു.
പള്സര് സുനി നല്കിയ മൊഴിയില് താന് കാവ്യയുടെ ഡ്രൈവറായി ജോലി ചെയ്തിട്ടുണ്ടെന്ന് വെളിപ്പെടുത്തിയിരുന്നു. എന്നാല് സുനിലിനെ അറിയില്ലെന്നായിരുന്നു കാവ്യ നല്കിയ മൊഴി. ഡ്രൈവറായി എത്തിയിട്ടുണ്ടെങ്കിൽ കാവ്യാ മാധവൻ പൾസർ സുനിയെ നിരവധി തവണ കണ്ടിരിക്കണമെന്നാണ് പോലീസിന്റെ നിഗമനം. എന്നിട്ടും സുനിയെ അറിയില്ലെന്ന് കാവ്യ പറഞ്ഞത് എന്തുകൊണ്ടാണെന്നാണ് പോലീസ് അന്വേഷിക്കുന്നത്.
ദിലീപും കാവ്യാ മാധവനും ഒരുമിച്ചഭിനയിച്ച പിന്നെയും എന്ന ചിത്രത്തിന്റെ സെറ്റിൽ വച്ചാണ് കാവ്യ, പൾസർ സുനിയെ കാണുന്നത്. കാവ്യ സഞ്ചരിച്ച കാറിന്റെ ഡ്രൈവറായി എത്തിയത് പൾസറായിരുന്നു. എന്നാൽ, തിങ്കളാഴ്ച നടത്തിയ ചോദ്യം ചെയ്യലിൽ പൾസറിനെ അറിയില്ലെന്നായിരുന്നു കാവ്യ പറഞ്ഞത്. ആലുവയിലെ ദിലീപിന്റെ വീട്ടിൽ വച്ച് രാവിലെ പതിനൊന്നിന് ആരംഭിച്ച ചോദ്യം ചെയ്യൽ വൈകിട്ട് അഞ്ച് മണിവരെ നീണ്ടിരുന്നു.
പ്രതികരിക്കാൻ ഇവിടെ എഴുതുക: