കൊല്ലം: പോലീസിന്റെ പ്രത്യേക കോമ്പിംഗ് ഓപ്പറേഷനില് വിവിധ കേസുകളിലായി പിടികിട്ടാപുള്ളിയായ ഒരാളെയും 59 വാറണ്ട് പ്രതികളേയും അറസ്റ്റ് ചെയ്തു. കഴിഞ്ഞ ദിവസം വൈകിട്ട് 6 മുതല് 12 വരെയായിരുന്നു നഗരത്തില് പരിശോധന. നിരോധിത പുകയില ഉല്പ്പന്നങ്ങള് വിറ്റതിന് നാല് പേര്ക്കെതിരെയും മയക്കുമരുന്നുകള് ഉപയോഗിച്ചതിന് രണ്ടുപേര്ക്കെതിരേയും കേസുകള് രജിസ്റ്റര് ചെയ്തു. മദ്യപിച്ച് വാഹനം ഓടിച്ചതിന് 51 പേര്ക്കെതിരെയും അലക്ഷ്യമായും അപകടകരമായും വാഹനം ഓടിച്ചതിന് 46 പേര്ക്കെതിരേയും പൊതുനിരത്തില് മദ്യപിച്ച് കലഹം ഉണ്ടാക്കിയതിനും പൊതുസ്ഥലത്ത് മദ്യപിച്ചതിനും 45പേര്ക്കെതിരേയും കേസെടുത്തു. വാഹനപരിശോധന നടത്തിയതില് 1294 പേര്ക്കും പൊതുസ്ഥലത്ത് പുകവലിച്ചതിന് 80 പേര്ക്കും പിഴ ചുമത്തി. വരുംദിവസങ്ങളില് ഇത്തരം അപ്രതീക്ഷിത പരിശോധനകള് ജില്ലയില് തുടരുമെന്ന കമ്മീഷണര് അറിയിച്ചു.
പ്രതികരിക്കാൻ ഇവിടെ എഴുതുക: