കൊടകര: കൊടകര പേരാമ്പ്ര തേശേരിയില് ആളില്ലാത്ത വീട് കുത്തിത്തുറന്ന് മോഷണം. ആറ് പവനും 65,000 രൂപയും കവര്ന്നു. തേശേരി മാത്തള സിറ്റിയിലുള്ള തൃശോക്കാരന് നിജോയുടെ വീട്ടിലാണ് കഴിഞ്ഞ രാത്രി മോഷണം നടന്നത്. റിജോ അയര്ലണ്ടിലാണ്. റിജോ ജേക്കബ്ബിന്റെ മാതാപിതാക്കളും ഭാര്യ ഷെറിയും മക്കളുമാണ് വീട്ടില് താമസം. ഇവര് ശനിയാഴ്ച ബന്ധുവീട്ടിലേക്ക് പോയിരുന്നതിനാല് വീട് പൂട്ടിക്കിടക്കുകയായിരുന്നു. വീടിന്റെ മുന്വാതിലിന്റെ കതക് ആയുധമുപയോഗിച്ച് തിക്കിത്തുറന്നാണ് മോഷണം നടത്തിയിരിക്കുന്നത്. കിടപ്പുമുറിയില് അലമാരയില് സൂക്ഷിച്ചിരുന്ന ആറ് പവന്റെ ആഭരണങ്ങളും പണവുമാണ് നഷ്ടപ്പെട്ടത്. വിലപിടിപ്പുള്ള 2 വാച്ചുകളും രണ്ട് കാമറകളും മോഷ്ടാക്കള് കൊണ്ടുപോയി. കൊടകര സി.ഐ. -കെ.സുമേഷിന്റെ നേതൃത്വത്തില് പോലീസ് സ്ഥലത്തെത്തി അന്വേഷണം ആരംഭിച്ചു. വിരലടയാള വിദഗ്ധരും എത്തി പരിശോധന നടത്തി.
പ്രതികരിക്കാൻ ഇവിടെ എഴുതുക: