വളയം: ചെക്യാട് പാറക്കടവ് കനറാ ബാങ്കിന്റെ എടി എം അക്കൗണ്ടില് നിന്ന് പണം നഷ്ടപ്പെട്ട സംഭവത്തില് പൊലീസ് ഇരുട്ടില് തപ്പുന്നു. കഴിഞ്ഞ മാസം 8 മുതല് 10 വരെ യുള്ള തീയതികളിലാണ് ചെക്യാട് കായലോട്ട് താഴയിലെ കിറിയ പറമ്പത്ത് രവിയുടെ അക്കൗണ്ടില് നിന്ന് 54940 രൂപ ഉടമ അറിയാതെ പിന്വലിക്കപ്പെട്ടത്. പണം നഷ്ടപ്പെട്ട തിനെ കുറിച്ച് അന്വേഷണം ആവശ്യപ്പെട്ട് കഴിഞ്ഞ മാസം 18 ന് രവി വളയം പോലീസില് പരാതി നല്കിയിരുന്നു.
കനറാ ബാങ്ക് പാറക്കടവ് ബ്രാഞ്ചിലെ അക്കൗണ്ടില് നിന്നാണ് പണം നഷ്ടമായത്. കഴിഞ്ഞ എട്ടാം തീയതി ‘ബാങ്കില് നിന്നെന്ന വ്യാജേന രവിയുടെ മൊബൈല് നമ്പറിലേക്ക് വിളിച്ച് എടിഎം കാര്ഡ് പരിശോധനക്കായി അക്കൗണ്ടില് നിന്ന് ചെറിയ തുക പിന്വലിക്കണമെന്ന് ആവശ്യപ്പെട്ടിരുന്നു. ഇതേ തുടര്ന്ന് ആയിരം രൂപ അന്ന് തന്നെ രവി പിന് വലിച്ചിരുന്നു. അല്പസമയത്തിനകം വീണ്ടും വിളിച്ച് ഇയാളുടെ മൊബൈലില് വന്ന ഒടിപി നമ്പര് തരാന് വിളിച്ച ആള് ആവശ്യപ്പെടുകയും രവി തന്റെ മൊബൈലില് വന്ന നാല് അക്ക നമ്പര് നല്കുകയും ചെയ്തു.
പിന്നീട് ഒരാഴ്ചക്കകം ബാങ്കില് പണമെടുക്കാനെത്തിയപ്പോഴാണ് താന് കബളിപ്പിക്കപ്പെട്ടതായി മനസിലാകുന്നത്. തൃശൂരിലുള്ള സ്വകാര്യ പണമിടപാട് സ്ഥാപനത്തി ലേക്ക് ഇയാളുടെ എക്കൗണ്ടില് നിന്ന് 5050 രൂപ മാറ്റിയതായി തെളി ഞ്ഞിട്ടുണ്ട്. ഇതില് നിന്നും പ്രാദേശിക തട്ടിപ്പ് സംഘമാണിതിന് പിന്നിലെന്ന് പൊലിസിന് വ്യക്തമായ വിവരം കിട്ടിയിട്ടുണ്ടങ്കിലും പൊലീസ് ഇതുവരെ കേസ് എടുക്കാത്തത് ദുരൂഹമാണ്.
പ്രതികരിക്കാൻ ഇവിടെ എഴുതുക: