ചാവക്കാട്: കഴിഞ്ഞ ദിവസം ചാവക്കാട് യൂത്ത് കോണ്ഗ്രസ് ഐ വിഭാഗം പ്രവര്ത്തകരെ ആക്രമിച്ച കേസില് മൂന്ന് പേര് കൂടി പിടിയിലായി.
മണത്തല കേരന്റകത്ത് റഫീഖ്, ബേബിറോഡ് രാമി മുനീര്, തെരുവത്ത് ഫൈസല് എന്നിവരെയാണ് ചാവക്കാട് എസ്.ഐ എം.കെ. രമേഷിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. ചാവക്കാട് അയിനിപ്പുള്ളി പരപ്പില്താഴം പരപ്പില് നിഥിന്, കൊട്ടിലിങ്ങല് ഷെക്കീര് എന്നിവര്ക്ക് ഞായറാഴ്ച രാത്രി നടന്ന ആക്രമണത്തില് പരിക്കേറ്റിരുന്നു. ഗ്രൂപ്പ് തര്ക്കമാണ് ആക്രമണത്തിന് കാരണമെന്ന് പോലീസ് പറഞ്ഞു. പ്രതികളുമായി പോലീസ് തെളിവെടുപ്പ് നടത്തി. സംഭവസ്ഥലത്തിന് സമീപത്തെ വാഴത്തോട്ടത്തില് നിന്ന് ആക്രമിക്കാനുപയോഗിച്ച ആയുധങ്ങള് പോലീസ് കണ്ടെടുത്തു.
കേസില് ആകെ ഏഴ് പ്രതികള് ഉണ്ട്. ഇനി മൂന്ന് പേര് പിടിയിലായാകാനുണ്ട്. കേസില് കെ.എസ്.യു ജില്ലാ സെക്രട്ടറി സെറൂഖിനെ ഇന്നലെ അറസ്റ്റ് ചെയ്തിരുന്നു. തിരുവത്രയില് കൊല്ലപ്പെട്ട ഹനീഫയുടെ സഹോദരന് സെയ്തുമുഹമ്മദിന്റെ മകനാണ് സെറൂഖ്. സെറൂഖിന് സംഭവവുമായി ബന്ധമില്ലെന്നും കേസില്പെടുത്താനുള്ള ശ്രമമാണെന്നും എ ഗ്രൂപ്പ് നേതാക്കള് ആരോപിച്ചു. ഫനീഫ വധിക്കപ്പെട്ട് രണ്ട് വര്ഷം പൂര്ത്തിയാകാനിരിക്കെയാണ് തിരുവത്ര വീണ്ടും സംഘര്ഷാവസ്ഥയിലാകുന്നത്.
പ്രതികരിക്കാൻ ഇവിടെ എഴുതുക: