ന്യൂയോര്ക്ക്: തിരിച്ചടികള് ഊര്ജ്ജമാക്കി മരിയ ഷറപ്പോവയുടെ തിരിച്ചുവരവ്. വെസ്റ്റ് ക്ലാസിക് ഡബ്ല്യുടിഎ ടെന്നീസ് ചാമ്പ്യന്ഷിപ്പ് ആദ്യ റൗണ്ടില് ഷറപ്പോവയ്ക്ക് ജയം. ജെന്നിഫര് ബ്രാഡിയെ മൂന്നു സെറ്റ് നീണ്ട പോരാട്ടത്തിലാണ് ഷറപ്പോവ മടക്കിയത്, സ്കോര്: 6-1, 4-6, 6-0. അവസാന സെറ്റ് ഒരു ഗെയിം പോലും വിട്ടുനല്ക്കാതെ സ്വന്തമാക്കി റഷ്യന് താരം.
2015നു ശേഷം ആദ്യമായാണ് ഷറപ്പോവ ഇവിടെ ജയം കാണുന്നത്. 2016 ഓസ്ട്രേലിയന് ഓപ്പണിനിടെ ഉത്തേജകമരുന്ന് ഉപയോഗിച്ചുവെന്ന് തെളിഞ്ഞതിനെത്തുടര്ന്ന് 15 മാസത്തെ വിലക്ക് നേരിട്ടിരുന്നു താരത്തിന്. അതിനു ശേഷം ഈ ഏപ്രിലിലാണ് അവര് കോര്ട്ടില് മടങ്ങിയെത്തിയത്. ചില ടൂര്ണമെന്റുകളില് റാക്കറ്റേന്തിയെങ്കിലും, പരിക്ക് മൂലം പല മത്സരങ്ങളും നഷ്ടമായി.
പ്രതികരിക്കാൻ ഇവിടെ എഴുതുക: