ന്യൂദല്ഹി: കേരളത്തിലെ വൈദ്യുതി രംഗം പരിഷ്കരിക്കുന്നതിന് കേന്ദ്ര സര്ക്കാര് അധിക സഹായം അനുവദിച്ചു. ഇതോടെ കേരളത്തിനുള്ള കേന്ദ്ര സഹായം 1376 കോടി രൂപയായി ഉയരുമെന്ന് കേന്ദ്ര ഊര്ജ്ജ സഹമന്ത്രി കെ.സി.വേണുഗോപാല് അറിയിച്ചു.
വൈദ്യുതി ബില്ലുകള് ഓണ്ലൈനിലാക്കുക, കെ.എസ്.ഇ.ബി ഓഫീസുകളെ തമ്മില് ബന്ധിപ്പിക്കുക തുടങ്ങിയ കാര്യങ്ങളാണ് പരിഷ്കരണ പദ്ധതികളില് ഉള്പ്പെടുത്തിയിരിക്കുന്നത്. തിരുവനന്തപുരം, കൊച്ചി ,കോഴിക്കോട് ജില്ലകളെയാണ് പ്രധാമായും ഈ പദ്ധതിയില് ഉള്പ്പെടുത്തിയിരിക്കുന്നത്.
തലസ്ഥാന ജില്ലയായ തിരുവനന്തപുരത്തിന് നേരത്തെ അനുവദിച്ചിരുന്ന 90 കോടി രൂപ കൂടാതെ 179 കോടി കൂടി അധികം അനുവദിച്ചിട്ടുണ്ട്. ഇതോടെ തിരുവനന്തപുരത്തിനുള്ള സഹായം 269 കോടി രൂപയായി ഉയരും.
പ്രതികരിക്കാൻ ഇവിടെ എഴുതുക: