കോട്ടയം: തിരുനക്കര ക്ഷേത്ര മൈതാനിയില് കടന്ന് കയറി ഭക്തജനങ്ങള്ക്കെതിരെ അരങ്ങേറിയ പോലീസ് അതിക്രമത്തില് പ്രതിഷേധിച്ച് ഹിന്ദുഐക്യവേദിയുടെ നേതൃത്വത്തില് കളക്ട്രേറ്റ് പടിക്കല് ഭക്തജന ധര്ണ്ണ നടത്തി. ഭക്തജനധര്ണ്ണ ഹിന്ദുഐക്യവേദി സംസ്ഥാന ജനറല് സെക്രട്ടറി ഇ.എസ്. ബിജു ഉദ്ഘാടനം ചെയ്തു. കോട്ടയം വെസ്റ്റ് സി.ഐ നിര്മ്മല് ബോസിന്റെ നേതൃത്വത്തില് തിരുനക്കര ക്ഷേത്രമൈതാനിയില് കടന്ന് കയറി ഭക്തജനങ്ങളെ അടക്കം ക്രൂരമായി മര്ദ്ദിച്ച നടപടിയില് ഹിന്ദുസമൂഹത്തിന് കടുത്ത പ്രതിഷേധമുണ്ട്. ഈ പോലീസ് ഉദ്യോഗസ്ഥന് സേനയ്ക്ക് അപമാനമാണെന്നും ഇ.എസ്. ബിജു പറഞ്ഞു.
ധര്ണ്ണയില് ക്ഷേത്രസംരക്ഷണസമിതി സംസ്ഥാന വര്ക്കിങ് പ്രസിഡന്റ് കെ.എസ്. നാരായണന്, ഹിന്ദുഐക്യവേദി സംസ്ഥാന വൈസ്പ്രസിഡന്റ് പി. ആര്. ശിവരാജന് ഹിന്ദു എക്കണോമിക് ഫോറം സംസ്ഥാന വൈസ് പ്രസിഡന്റ് പി. ജെ. ഹരികുമാര്, ഹിന്ദു ഐക്യവേദി ജില്ലാ ജനറല് സെക്രട്ടറി കെ.എസ്. ഓമനക്കുട്ടന്, ജില്ലാ സെക്രട്ടറിമാരായ രാജു വെള്ളയ്ക്കല്, ആശാഅജിത്, മഹിളാ ഐക്യവേദി ജില്ലാ പ്രസിഡന്റ് ജയന്തി ജയ്മോന്, ആഖജ ജില്ലാസെക്രട്ടറി ഭുവനേശ്, ഹിന്ദുഐക്യവേദി താലൂക്ക് പ്രസിഡന്റ് വൈ. സുരേഷ്കുമാര്, ക്ഷേത്രസംരക്ഷണ സമിതി ജില്ലാസെക്രട്ടറി രാമദാസ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: