തലശ്ശേരി: മുഖ്യമന്ത്രി പിണറായി വിജയന്റെ മണ്ഡലമായ ധര്മ്മടത്ത് വില്ലേജ് ഓഫീസര് ഇല്ലാത്തത് കാരണം ധര്മ്മടം ഗ്രാമത്തിലെ ജനങ്ങള് ദുരിതമനുഭവിക്കാന് തുടങ്ങിയിട്ട് മാസങ്ങളായി. വില്ലേജ് ഓഫീസര്മാരായി സ്ഥാനക്കയറ്റം ലഭിച്ച നിരവധിപേര് നിലവിലുണ്ടെങ്കിലും കലക്ട്രേറ്റില് നിന്ന് ഇവര്ക്ക് നിയമന ഉത്തരവ് നല്കുന്നില്ലെന്ന പരാതിയും ഉയര്ന്നുവന്നിട്ടുണ്ട്. കണ്ടംകുന്ന് തോലമ്പ്ര ബേക്കളം, ചെറുവാഞ്ചേരി വില്ലേജുകളിലെ ഓഫീസര്മാരില്ല. ഉദ്യോഗസ്ഥ സംഘടനകളിടെ വടംവലിയാണ് നിയമനം വൈകാന് കാരണമെന്നാണ് അറിയുന്നത്. അതിനാല് എത്രയും പെട്ടെന്ന് ധര്മ്മടത്ത് വില്ലേജ് ഓഫീസറെ നിയമിക്കുന്നതിനാവശ്യമായ നടപടികള് അധികൃതര് സ്വീകരിക്കണമന്നാണ് നാട്ടുകാര് ആവശ്യപ്പെടുന്നത്.
പ്രതികരിക്കാൻ ഇവിടെ എഴുതുക: